Ӯзбекистон: рейд алайҳи риш дар шаҳри Тошканд

Ӯзбекистон: рейд алайҳи риш дар шаҳри Тошканд

Дар бозори электронии «Малика»-и шаҳри Тошканд санаи 23-уми август аз тарафи кормандони ҳифзи ҳуқуқ алайҳи мардони ришдор рейд баргузор гардид. Дар натиҷаи рейд даҳҳо сокини маҳаллии ришдор дастгир шуда ба шӯъбаи милиса ирсол гардиданд. Дар бинои мақомот ришҳои тамоми дастгиршудагонро тарошиданд, сипас онҳоро озод карданд, дар ин хусус яке аз истифодабарандагони сомонаи Facebook Ҷамолиддин Муҳаммад хабар дод.

«Вақте, ки аз бозори «Малика» баромадам, кормандони ҳифзи ҳуқуқ худро муаррифӣ накарда маро дастгир намуданд ва ба «Сарраёсати Милисаи рақами 4» ирсол карданд. Дар бинои мақомот навбати дарозро дидам, ки дар он танҳо ҷавонмардони ришдор истодаанд. Дарҳол фаҳмидам ки дар навбат истодагон барои риш дастгир шудаанд. Дар утоқи дигар низ навбати дароз буд. Дар онҷо маълумоти дастгиршудагонро менавистанд ва онҳоро сурат мегирифтанд. Маро низ сурат гирифтанд. Дар утоқи дигар бо мо «сӯҳбат» мегузаронданд. Дар онҷо ба ман гуфтанд, ки ҳатман ришатро метарошӣ!!! Ман рад кардам. Сипас, корманди дигар худро муаррифӣ накарда ба ман гуфт, ки агар ришамро натарошам, маро озод намекунанд. Ман ба ӯ гуфтам: «Ба ман қонунеро нишон диҳед, ки дар он гузоштани риш манъ шуда бошад, ман бе чуну чаро ба талаби шумо итоат мекунам. Вале онҳо чунин қонунро ва ё санадеро нишон дода натавонистанд, ки дар он навишта шуда бошад, ки риш гузоштан манъ аст», — навиштааст Ҷамолиддин санаи 23-уми август дар саҳифаи Фейсбуки худ.

Ёдрас мекунем, ки дар замони ҳукмронии собиқ раисҷумҳур Каримов дар Ӯзбекистон барои либоси занонаи исломӣ, рафтани кӯдакон ба масҷид, аз тарафи мардон гузоштани риш ва ғайра мамнӯъият вуҷуд дошт. Таҳлилгарон қайд мекунанд, ки ҳарчанд ислоҳотҳо дар соҳаи дин аз тарафи Мирзиёев эълон гардида вазъиятро пас аз сабукии кӯтоҳмуддат ба ҳолати аввала бармегардад, ки бори дигар аён мешавад, ислоҳотҳои гузаронида истода хусусияти худнамоӣ дорад.

Ҷолиби диққат он аст, ки маҷбуран тарошидани риши мардҳои диндор на танҳо дар Ӯзбекистон амалӣ мегардад. Дар тӯли 5 соли охир мушоҳидон дар Тоҷикистон мунтазам рейдҳои ҳаммонанди алайҳи ришро қайд кардаанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.