• Home »
  • Habarho »
  • Қазоқистон: Бо фармони Назарбоев дар Остона калисои православӣ бунёд мегардад

Қазоқистон: Бо фармони Назарбоев дар Остона калисои православӣ бунёд мегардад

Бинобар иттилои хадамоти матбуотии Вазорати рушди ҷамъиятии Қазоқистон, Нурсултон Назарбоев фармон додааст, ки дар шаҳри Остона чорум калисои православӣ бунёд карда шавад.

Дар рафти сафари расмӣ ба Русия вазири рушди ҷамъияти Қазоқистон Дархан Калетаев бо патриархи Маскав Кирилл вохӯрд. Патриархи Маскав сиёсати Нурсултон Назарбоевро ки ба мустаҳкамкунии муносибатҳои байнидинҳо дар сулҳу осоиштагӣ дар ҷомеаи Қазоқистон нигаронида шудааст қайд намуд. Номбурда қайд намуд, ки дар Қазоқистон муколама байни ҳукуматдорон ва диндорон, хусусан динӣ православӣ ба самти конструктивӣ рушд менамояд.

«Насрониҳои православӣ дар ҷумҳурӣ ҳамаи шароити қонеъ гардонидани талаботҳои динии худро доранд. Бо фармони Нурсултон Назарбоев қароре қабул гардид, ки дар шаҳри Остона чорум калисои православӣ бунёд карда шавад», изҳор намуд Калетаев.

Дар хадамот эзоҳ доданд, ки масъалаи ҷудошавии замин барои бунёди калисо аллакай ҳал гардидааст: минтақа барои калисо муайян шудааст, айни замон оиди нақша корҳо бурда истодаанд.

Ёдрас мекунем, ки солҳои охир режими Назарбоев дар Қазоқистон барои несту нобуд кардани Ислом аз ҳаёти ҷамъият ҳамаи чораҳоро ба амал медарорад. Дар баробари ин, барандагони даъвати исломие, ки ба режим тобеъ нестанд пушти панҷара равона мешаванд, ҳукумат дар биноҳои ғайридинӣ намозгузориро, инчунин пӯшидани ҳиҷоб ба занон ва рӯймол бастан ба хонандагони мактаб манъ кард.