Русия: ҷавони наврас шаҳрванди Ӯзбекистонро ба қатл расонд
Муҳоҷири навбатӣ аз Осиёи Миёна аз тарафи шаҳрванди рус кушта шуд. Фоҷиаи мазкур санаи 28-уми июн дар деҳаи Лесколовои ноҳияи Всеволожскии вилояти Ленинград рух додааст: ҷавони навраси 15 сола шаҳрванди Ӯзбекистонро ба қатл расонд, иттило медиҳад хабарнигори сомонаи Podrobno.uz.
Чи тавре ки ВАО русӣ иттило доданд, вазъият дар роҳ сабаби низоъ гардидааст. Муҳоҷир аз Ӯзбекистон гӯё ҷавони мопед савор шударо барои дар гузаргоҳ роҳ надодан сарзаниш намудааст.
Низое, ки дар кӯча шурӯъ гардида буд, дар мағоза идома ёфт, ки қотили ҷавони наврас аз пушти муҳоҷири ӯзбек ба онҷо дохил мешавад. Аз ҳузури шоҳидон натарсида ба занозанӣ медарояд, пас аз он ба муҳоҷир якчанд маротиба бо корд ҳамла карда ӯро захмӣ мекунад. Ҷабрдидаро ба беморхона мебаранд ва ӯ дар онҷо вафот мекунад.
Алоҳида бояд қайд кард, ки дар навори видеоӣ возеҳу равшан намоён аст, ки муштариёни мағоза ба куштори содир шуда истода оромона мушоҳида намуда кӯшиш ҳам намекунанд, то монеаи ҳодиса гарданд.
