Дар Тоҷикистон боз як иди зардуштӣ эҳё карда мешавад

Дар Тоҷикистон боз як иди зардуштӣ эҳё карда мешавад

Дар Тоҷикистон ҷорӣ намудани ҷашни иди борон «Тиргон» ба нақша гирифта шудааст, дар ин хусус Азия-Плюс ба роҳбари Академияи илмҳои Тоҷикистон Фарҳод Раҳимӣ такя намуда иттило медиҳад.

“Тиргон ё ин ки Иди борон дар давраи тамаддуни ориёиён ба таври васеъ ҷашн гирифта мешуд.  Тибқи маълумоти таърихӣ, олимон ва коршиносони тоҷик ҳисоб кардаанд, ки ҷашни Тиргон ба аввали моҳи июни тақвим рост меояд», — гуфт Раҳимӣ.

Дар навбати худ, дар хусуси иди мазкур чанде пеш аз ҷониби Президент Раҳмон дар суханронии худ ёдоварӣ кард: “Мо тоҷикон аз мероси бузурги Сомониён ифтихор мекунем ва анъанаву суннатҳои қадимии худро қадр мекунем. Қисме аз ин мерос як падидаи беназири фарҳангӣ дар тамаддуни башарият мебошад ва таърихи боз ҳам қадимтаре ба мисли ҷашни Наврӯз, Тиргон, Меҳргон ва Сада дорад. Ин урфу одатҳои қадимаи ориёӣ, новобаста аз унсурҳои динӣ, дар байни мардум маъруфият пайдо карда, тадриҷан мақоми миллиро гирифтанд», иброз намуд ӯ дар Симпозиуми байналхалқии илмӣ «Таҳқиқоти фарҳанги қадим: дирӯз ва имрӯз» ки охири моҳи октябр дар шаҳри Душанбе баргузор гардидааст.

«Дар таърихи мардуми ориёӣ бисёр идҳо буданд ва тақрибан ҳар ду моҳ, вақте ки фаслҳо иваз мешуданд, онҳо як идро ҷашн мегирифтанд.  Ҷашни Тиргон дар баробари ҷашни иди Меҳргон ва Сада, ки дар солҳои истиқлолияти Тоҷикистон эҳё шуда буд, ҷой хоҳад гирифт», — қайд намуд Раҳмон.

Мушоҳидон қайд мекунанд, ки режими Раҳмон солҳои дароз аст, ки  талош дорад анъана ва ҷашнҳои бутпарастиро дар кишвар эҳё кунад ва умед дорад, ки бо ин мероси исломӣ аз хотираи мардум решакан хоҳад шуд. Бо ин, имомҳо ва олимони Туркистон аз замонҳои қадим таҷлили ҳама гуна идҳои ғайриисломиро ғайри қобили қабул медонистанд ва ҷашнҳои бутпарастиро ҳамчун бидъат мешумориданд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.