Дар Тоҷикистон боз масҷидҳо кушода шудаанд

Дар Тоҷикистон боз масҷидҳо кушода шудаанд

Аз 20-уми март шурӯъ карда дар Тоҷикистон масҷидҳо кушода шуданд, ки қаблан бо баҳонаи карантин аз коронавирус барои намозҳои дастаҷамъӣ баста шуда буданд. Оиди қабули чунин қарори ҳукумат котиби матбуотии Кумитаи оид ба корҳои дин, танзими анъана ва ҷашну маросимҳо Афшин Муқим хабар дод. «Раванди безараргардонии масҷидҳо бо кӯшиши худи иттиҳодияҳои динӣ ба анҷом расид. Бинобар ин Кумита ва Шӯрои уламо ба хулосае омаданд, ки дар кишвар тамоми шароит муҳайё карда шудааст ва мардум метавонанд барои адои намозҳои дастаҷамъӣ ба масҷидҳо бираванд», — иброз намуд ӯ.

Ёдрас мекунем, ки мақомоти Тоҷикистон, ки солҳои дароз бо ҳама гуна зуҳуроти Ислом дар кишвар мубориза мебарад, дар робита ба таҳдиди афзояндаи вируси хатарнок ҳамчун чораи пешгирӣ тамоми масҷидҳоро барои адои намози дастаҷамъӣ, аз он ҷумла намози ҷумъа дар аввали моҳ баста буд. Аммо дар айни замон, тамоми муассисаҳои таълимӣ, корхонаҳо ва ташкилотҳо бо тартиби пешина кору фаъолият мекунанд.

Инчунин, ғайр аз ин, омодагӣ ба таҷлили Наврӯз идома дошт, донишҷӯён ва мактаббачагон ба тамрини ҷашни Наврӯз бурда мешуд. «Ҷашни Наврӯз дар саросари Тоҷикистон ҷашн гирифта мешавад. Ягон фармон ё тасвибе дар бораи бекор кардани ҷашни Наврӯз вуҷуд надорад. Он бояд ҷашн гирифта шавад, зеро он ҷашни миллии мост,» — гуфт ба «Азия-Плюс» муовини аввали вазири фарҳанг Обидҷони Назариён.

Тибқи иттилои шаҳрдории пойтахт ба хабарнигорон, чорабиниҳои идона ва консертҳо дар тамоми чор ноҳияҳои шаҳри Душанбе баргузор мешаванд. Инчунин  намоишҳои театрӣ дар шаҳри Хуҷанд низ баргузор мешаванд.

Мушоҳидон қайд мекунанд, ки қарори баста шудани масҷидҳо бо баҳонаи карантин аз коронавирус, инчунин қарор дар бораи кушодани онҳо бо баҳонаи анҷом додани безараргардонӣ бори дигар нишон медиҳад, ки режими мазкур танҳо барои маҳдуд ё манъ кардани риояи Ислом аз ҷониби сокинони кишвар ҳаргуна баҳонаро истифода мебарад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.