Русия дар Тоҷикистон системаи мушакҳои ҳавоиро ҷойгир намуд
Як ҷуфти системаи мушакҳои ҳавоӣ С-300ПС — ро Русия ба Тоҷикистон барои ҳимояи базаи ҳарбии худ ва мудофиаи ҳавоӣ ирсол намуд. Як ҷуфт системаи мушакҳои ҳавоӣ С-300ПС ба силоҳдории базаи ҳарбии русӣ 201 дар Тоҷикистон ворид гардид. Чи тавре ки шабакаи телевизионии Звезда хабар медиҳад, техникаи мазкурро аз силоҳхонаи Мудофиаи Ҳавоии Марказӣ дар Поволже бо роҳи оҳан бурда расониданд.
Тибқи маълумоти расмии Ҳавзаи ҳарбии марказӣ, мақсад аз гузаронидани навбатдорӣ ҳимояи базаи ҳарбӣ ва мудофиаи ҳавоӣ якҷоя бо қувваҳои мусаллаҳи Тоҷикистон мебошад.
Шумораи техникаи ҳарбии гуногун ҳамагӣ 30 ададро ташкил медиҳад. Ғайр аз худи системаи мушакҳои ҳавоӣ ба кишвар гурӯҳи қисмӣ, системаи корандоз, радиолокатор, инчунин нақлиёти таъминот ворид гардиданд.
Ёдрас мекунем, ки базаи ҳарбии 201 дар Тоҷикистон ҷойгир шуда, аз давраи Иттиҳоди Шӯравӣ ва аз солҳои 90-ум инҷониб вазифаи амнияти режими Раҳмонро таъмин мекунад, инчунин таъмин намудани манфиатҳои мустамлакадории Русия дар минтақаи Осиёи Марказӣ хизмат мекунад. Будубоши базаи ҳарбӣ то соли 2042 дароз карда шудааст, шартномаҳои мувофиқашуда аз тарафи ҳукумати Тоҷикистон ба имзо расида шуда тасдиқ гардидааст. Базаи ҳарбӣ дар шаҳрҳои Душанбе, Кӯлоб ва Бохтар ҷойгир шудааст.
