Муҳоҷирони сиёсӣ аз Осиёи Марказӣ: рабудашавии нав дар Русия

Муҳоҷирони сиёсӣ аз Осиёи Марказӣ: рабудашавии нав дар Русия

Вақтҳои охир мақомоти Русия ба таъқиб, боздошт ва ба ватан депортатсия кардани муҳоҷирон аз кишварҳои Осиёи Марказӣ, ки аз ҷониби мақомоти кишварҳояшон таъқиб мешаванд, шурӯъ кард.  Инҳо аксар вақт одамоне ҳастанд, ки мавқеи фаъол доранд ва бо равандҳои сиёсии дар кишварҳои худ рухдода розӣ нестанд.

Масалан, рӯзи 26 май, пас аз боздошт, зодаи 34-солаи вилояти Қашқадарёи Ӯзбекистон Шоҳрух Базаров бе ному нишон ғайб зад, ки ДАҲИ нисбати ӯ қоидаи 39-ро дар мавриди истирдод накардани ӯ ба Ӯзбекистон татбиқ кард.  Фаъоли ҳуқуқи инсон Баҳром Ҳамроев фаҳмид, ки дар рабуда шудани Базаров кормандони ФСБ-и Русия ширкат кардаанд. «Барои дастгир кардани ӯ кормандони ФСБ оварда шуданд. Рӯзи боздошт Шоҳрухро ба фурудгоҳи Домодедово оварданд ва фавран ба Ӯзбекистон фиристоданд. Субҳи пагоҳӣ ӯ ба ҳамсараш, ки дар шаҳри Қазон зиндагӣ мекунад, паёмак фиристода, дар он навиштааст: “Маро ба Тошканд бурданд.  Ҳоло дигар роҳи халосӣ нест», мегӯяд Ҳамроев.

Қаблан, 18 майи соли ҷорӣ фаъоли  ҷунбиши «Гурӯҳи 24» Раҳматҷони Маҳмадҷон бе ному нишон ғайб зад.  На хешовандон ва на ҳамсафарони ӯ дар бораи макони будубоши фаъол чизе намедонанд.  Инчунин маълум аст, ки қабл аз нопадид шуданаш ба ӯ аз тарафи шахсони номаълум таҳдидҳо карда мешуд ва фаол аз таъқиби худ шикоят мекард, — қайд мекунад «Настоящее Время».

Ҳимоятгар Тимофей Широков, ки дар ҳифзи муҳоҷирон аз кишварҳои Осиёи Марказӣ таҷрибаи зиёд дорад, ба саволи рӯзноманигори «Настоящее Время» дар бораи он, ки оё Русия барои фаъолон ва гурезаҳои сиёсӣ кишвари бехатар аст, посух дод. «Мутаассифона, таҳдиди воқеӣ барои ин одамон вуҷуд дорад.  Ман ҳамеша ба он мизоҷоне, ки бо онҳо кор мекунам ва касонеро, ки аз ҷойҳои боздошт халос мекунам, мегӯям: «Русия кишваре нест, ки шумо волоияти қонунро интизор шавед! Ҳама гуна имкониятҳоро биҷӯед ва аз инҷо биравед», гуфт Широков.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.