Рустами Эмомалӣ «Соли нав»-ро пешбарӣ менамояд
Рустами Эмомалӣ «Соли нав»-ро дар Тоҷикистон хамчун иди бузург пешбарӣ намуданро шурӯъ намуд. Ҳамин тавр, тайи ду соли охир раиси нав интихобшудаи шаҳри Душанбе Рустами Эмомалӣ «Соли нав»-ро ҳамчун иди махсус барои тоҷикон пешбарӣ менамояд. Барои тасдиқи суханҳои дар боло зикршуда ҷойгир намудани арчаи солинавӣ мебошад, ки бист рӯз қабл аз 31-уми декабр дар шаҳри Душанбе гузошта шудааст. Ғайр аз ин, дарозии арчаи солинавии соли гузашта 25 метрро ташкил карда бошад, имсол арчаи солинавӣ 28 метр буда, бо 12 ҳазор бозичаҳои гуногун ҷиҳозонида шудааст. Инчунин, дар майдони асосии пойтахт санаи 31-уми декабр консерт бо овозхонҳои тоҷик баргузор мегардад. Ҷолиби диққат он аст, ки ҳамаи чорабиниҳо оиди ҷашни мазкур бо фармони махсуси Рустами Эмомалӣ амалӣ мегардад.
Ёдрас мекунем, ки ба ҷашни мазкур то омадани Рустами Эмомалӣ ба сари мансаб таваҷҷӯҳи зиёд дода намешуд. Масалан, дар замони раиси шаҳри Душанбе Маҳмадсаид Убайдуллоев арчаи солинавиро 2-3 рӯз қабл аз 31-уми декабр гузошта мешуд ва рӯзи дигар арчаи солинавӣ ғундошта мегирифтанд. Ғайр аз ин, дар ягон замон дар таърихи Тоҷикистон чунин арчаи дароз гузошта нашудааст ва ҷашни мазкур бо дабдаба гузаронида намешуд.
Бояд қайд намуд, ки ба ақидаи уламоҳои исломӣ ҷашни мазкур ба дини Ислом хилоф буда, ба таърих ва маданияти мардуми тоҷик зид мебошад. Ҳатто дар ин хусус, муфтии Тоҷикистон Саидмукаррам Абдулқодирзода соли 2011 дар мусоҳиба бо радиои Би-би-си изҳор намуда буд. Дар он замон муфтии Тоҷикистон аз ҳамдиёрони худ талаб намуда буд, ки аз ҷашн гирифтани «Соли нав» худдорӣ намоянд. «Зеро, ҷашни мазкур ба қонунҳои исломӣ хилоф буда, ба маданият ва фарҳанги мардуми тоҷик зид мебошад».
Дар соли ҷорӣ, пеш аз ҷашни Иди Қурбони мусулмонон ҳукумати Тоҷикистон ороста намудани дастархони идонаро ба як метр дарозӣ ва васеӣ маҳдуд намуд ва барои вайронкунандагони қонуни мазкур бо ҷаримаҳои калон таҳдид кард.
