Туркманистон: мансаби навбатии писари президент

Туркманистон: мансаби навбатии писари президент

Дар ҷаласаи ҳайати Вазирони Туркманистон, президент Қурбонгулӣ Бердимуҳамедов тасмим гирифт, ки муовини сарвазир Сердар Бердимуҳамедовро ҳамраиси сохторҳои байниҳукуматии туркманӣ-русӣ ва туркманӣ-ҷопонӣ аз ҷониби Туркманистон таъйин гардад ва Мередовро аз ин мансаб озод намояд, хабар медиҳад агентии иттилооти давлатӣ TДХ.

«Минбаъд ин ҳамкориҳо бо Русия ва Ҷопон густариш дода шуда, барои гузаронидани корҳои мушаххас ва самаранок мусоидат хоҳад кард», гуфт президент.

Ёдрас мекунем, ки Сердар Бердимуҳамедов бо ҳамроҳии Рашид Мередов дар сафари расмии ҳайати Туркманистон ба Русия ширкат варзид. Дар ҷараёни ин боздид, ки аз 30 март то 2 апрел баргузор шуд, Бердимуҳамедов бо сарвазир Михаил Мишустин ва муовини раиси Шӯрои Амнияти Русия Дмитрий Медведев мулоқот кард ва инчунин дар мулоқот бо вазирони корҳои хориҷӣ бо иштироки вазири корҳои хориҷии Русия Сергей Лавров ширкат варзид.

Имрӯз, Сердар Бердимуҳамедов илова бар вазифаи нави худ, инчунин мансаби муовини сарвазир барои татбиқи системаи рақамӣ ва технологияҳои инноватсионӣ дар тамоми соҳаҳо, дар системаи идоракунии давлатӣ ва сохтори иҷтимоӣ, роҳбари вилояти Ахалск ва аъзои Шӯрои Амният, раиси Палатаи олии назорат ва роҳбари Ассотсиатсияи байналмилалии «Туркман Алабайҳо»- ро ишғол мекунад.

Коршиносон қайд мекунанд, ки диктаторҳои дигари кишварҳои Осиёи Марказӣ аз таҷрибаи монанди омода кардани насли худ ба президенти оянда истифода мекунанд. Президент Раҳмон низ муддати тӯлонӣ писараш Рустами Эмомалиро барои интиқоли қудрат омода карда, ӯро ба вазифаҳои гуногуни воломақоми дастгоҳи давлатӣ таъин мекунад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.