Дар Тоҷикистон идеяҳои баробарии ҷинсҳо фаъолона паҳн мешавад

Чи тавре ки намояндагии Иттиҳоди Аврупо дар Тоҷикистон иттилоъ медиҳад, 24-25 апрел дар шаҳри Душанбе 8-умин Семинари ҷамъияти шаҳрвандӣ Иттиҳоди Аврупо (ИА) — Тоҷикистон оиди мавзӯи «Дар амал татбиқшавии баробарии ҷинсҳо дар Тоҷикистон» баргузор гардид.

Дар семинари мазкур зиёда аз 70 намояндагони ҷамъияти шаҳрвандӣ ва ҳукумати Тоҷикистон, инчунин мутахассисон оиди баробарии ҷинсҳо аз Иттиҳоди Аврупо ва Осиёи Марказӣ иштирок варзиданд. Ба ақидаи ташаббускорон мақсад аз семинари мазкур фаъолгардонии ташкилотҳои ғайридавлатии Тоҷикистон буда, пешбарӣ ва ҳимоя намудани идеяҳои баробарии ҷинсҳо дар кишвар мебошад, аз он ҷумла, ташкилотҳое, ки ба ин мусоидат мекунанд бо онҳо алоқаро ба роҳ мондан мебошад.

Раиси намояндагии Иттиҳоди Аврупо Хидает Бишчевич қайд намуд, ки дар ҳалли қазияҳо, хусусан оиди масъалаи пешбарии баробарии ҷинсҳо ташкилотҳои ғайридавлатӣ нақши муҳимро иҷро мекунанд.

«Ҷамъияти шаҳрвандӣ — шарики хуби боэътимоди давлат дар ҳалли қазияи муҳим ба монанди ҳуқуқи зан мебошад, ки тамоми ҷомеаи Тоҷикистонро дарбар мегирад. Баробарии ҷинсҳо аз асос ба қадриятҳои аврупоӣ рафта мерасад ва Иттиҳоди Аврупо ба ин қазия эътибори ҷиддӣ медиҳад. Бинобар ин, Иттиҳоди Аврупо чораҳои заҳматноки андешидаи Тоҷикистонро оиди ҳуқуқи зан ва васеъ намудани имкониятҳои ӯ самимона эҳтиром менамояд. Мутмаинам, ки семинари мазкури ҷамъияти шаҳрвандӣ  барои пайдо намудани муҳокимаи самараноки қазияи баробарии ҷинсҳо байни намояндагони ҷамъияти шаҳрвандӣ ва мансабдорон имконияти наверо медиҳад», қайд намуд Бишчевич.

Ёдрас мекунем, ки баробарии ҷинсҳо (яъне, баробарии занон ва мардон) як қисми маданияти ғарб буда, ба маданияти исломии мардуми Осиёи Марказӣ, хусусан ба мардуми Тоҷикистон зид мебошад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.