Ӯзбекистон ба Давлати Иттиҳодӣ дохил шудан намехоҳад
Вазорати корҳои хориҷии Ӯзбекистон аз паёми хабаргузории русии Sputnik дар бораи эҳтимоли пайвастани ин кишвар ба Иттиҳодӣ, ки ҳоло Русия ва Белорусро дар бар мегирад, ба хашм омад. Рӯзи 28 апрел раисиҷумҳури Беларус Александр Лукашенко дар мулоқот бо губернатори вилояти Воронежи Русия Александр Гусев изҳори итминон кард, ки ҷумҳуриҳои собиқ шӯравӣ ба Давлати Иттиҳодӣ мепайванданд.
Дар навбати худ портали русии Sputnik дар бораи Ӯзбекистон ва Тоҷикистон бо тақрибан як сарлавҳа («Лукашенко ворид шудани Тоҷикистонро ба Давлати Иттиҳодӣ пешгӯӣ кардааст» ва «Лукашенко пайвастани Ӯзбекистонро ба Давлати Иттиҳодӣ пешгӯӣ кардааст») хабар нашр кардааст.
Дар ҳамин ҳол Sputnik Ӯзбекистон суханони Лукашенкоро аз як мусоҳибаи моҳи феврал овардааст, ки дар он тасмим гирифтааст, ки Ӯзбекистон ва бархе аз кишварҳои пасошӯравӣ метавонанд пас аз 15 сол бахше аз Давлати Иттиҳодӣ гарданд.
«Баъзе нашрияҳои хориҷӣ иддао доранд, ки дар матолиби маводҳо бовоқеият ва беғаразанд, такрори изҳороти беасоси раҳбарони алоҳидаи кишварҳои хориҷӣ дар мавриди тавсеаи Давлати Иттиҳод ва пайвастани Ӯзбекистон ба он идома доранд», — омадааст дар хабари вазорати умури хориҷии Ӯзбекистон.
«Ҷумҳурии Ӯзбекистон бо мақсади таъмини истиқлолият ва соҳибихтиёрии кишвар, ки танҳо ба манфиатҳои миллӣ асос ёфтааст, минбаъд низ роҳи интихобкардаи рушди мустақилро устуворона идома хоҳад дод», — таъкид кардаанд дар Вазорати умури хориҷӣ.
Ёдрас мекунем, ки рӯзи 10 январ дар нишасти сарони СПАД раисиҷумҳури Белорус гуфта буд, ки аз бӯҳрони моҳи январ дар Қазоқистон бояд “пеш аз ҳама Ӯзбекистон” ибрат бигирад, зеро созмондиҳандагони ошӯбҳо ба Ӯзбекистон низ бо чунин “чашм” менигаранд. Баъдан ҷониби Ӯзбекистон ба таҳдидҳои дастниҳоди Русия Лукашенко вокуниши шадид нишон дода, изҳороти ӯро «беасос» хонд.
