Афзоиши таваллудкуни дар кишварҳои Осиёи Марказӣ
Дар Ӯзбекистон афзоиши босуръати аҳолӣ ба назар мерасад. Тибқи маълумоти Кумитаи давлатии омор барои соли 2020, аҳолии кишвар 653,7 ҳазор нафар афзуда, то 1-уми январи соли 2021 34,5 миллион нафарро ташкил додааст.
Инчунин гузориш дода мешавад, ки аҳолии кишвар дар соли 2020 ҳамарӯза ба ҳисоби миёна 1,8 ҳазор нафар афзудааст. Чунин афзоиши аҳолӣ дар тамоми минтақа ба назар мерасад. Масалан, дар Тоҷикистон дар соли 2020 афзоиши аҳолӣ дар як рӯз 820 нафарро ташкил дода, марг дар як рӯз 151 нафарро ташкил додааст. Тибқи омори кунунӣ, то ба имрӯз аҳолии Тоҷикистон 9,5 миллион нафарро ташкил медиҳад.
Бояд қайд намуд, ки дар айни замон, аксари кишварҳои ҷаҳон бинобар коҳиш ёфтани сатҳи таваллуд ба бӯҳрони демографӣ рӯ ба рӯ шудаанд ва дар байни ин кишварҳо Русия, Украина ва Иттиҳоди Аврупо ҳастанд. Коршиносон рушди босуръати демографиро дар кишварҳои мусулмоннишини Осиёи Марказӣ бо ҳифзи ҳувияти динии аҳолии минтақа рабт медиҳанд, зеро барои касе пӯшида нест, ки дини Ислом мардумро ба издивоҷкунӣ ва фарзанддоршавӣ водор месозад.
