Тоҷикистон: бобои Дона ба озодӣ баромад
Дониёр Набиеви 80-сола, ки дар охири соли 2020 бо иттиҳоми ифротгароӣ ба 7 соли зиндон маҳкум шуда буд, ба озоди баромад, менависад радиои Озодӣ. Наздикони Набиев ба рӯзноманигорон гуфтанд, ки ӯ рӯзи 23 апрел аз колонияи Ваҳдат озод карда шуд ва ҳоло ӯ дар назди аҳли оилааш мебошад.
Ёдрас мекунем, ки мақомоти Тоҷикистон ин пирамардро дар гирифтан ва супурдани маблағ ба оилаҳои аъзоёни маҳкумшудагони Ҳизби Наҳзати Исломии Тоҷикистон ки дар қаламрави Тоҷикистон мамнӯъ аст гунаҳгор донист. Роҳбарияти рондашудаи ҲНИТ иттиҳомотро беасос номида, худи парвандаро дорои ангезаи сиёсӣ номиданд.
Боздошт ва зиндонӣ шудани Набиев боиси эътирози созмонҳои байналмилалии ҳуқуқи башар ва шаҳрвандони оддӣ ва ҳамовозии густарда дар шабакаҳои иҷтимоӣ шуд, ки дар он ашхоси бетафовут аз амали мақомот ба хашм омадаанд. Барои дастгирии маҳкумшуда флешмоб роҳандозӣ шуд, ки дар он садҳо нафар, аз ҷумла фаъоли ҳуқуқи башар Иззат Амон, ки аллакай дар Тоҷикистон дар ҳабс аст, ширкат варзиданд.
Рӯзи 20 январ созмони байналмилалии ҳуқуқи башар Human Rights Watch (HRW) аз вазъи саломатии Набиеви ҳаштодсола, ки ба 7 соли зиндон маҳкум шудааст, изҳори нигаронӣ карданд ва аз мақомоти Тоҷикистон даъват карданд, ки ӯро фавран раҳоӣ кунанд. «Дониёр Набиев барои хайрхоҳии худ маҳкум карда шуд — ӯ ба оилаҳои аъзоёни маҳкумшудаи ҲНИТ, ки ба кӯмак мӯҳтоҷ буданд, кӯмак карда, ба онҳо аз 15 то 30 доллар аз ҳисоби шахсияш кӯмак кард», — гуфта шудааст дар изҳороти ҳомиёни ҳуқуқ.
Нозирон қайд мекунанд, ки маҳз аксуламал ва эътирози оммавии аҳолии Тоҷикистон режимро маҷбур кард, ки амалҳои худро бознигарӣ кунад ва пирамарди хайрхоҳро раҳо кунад.
