Чин мавқеи худро дар Осиёи Марказӣ мустаҳкам менамояд
Вазирони корҳои хориҷии кишварҳои Осиёи Марказӣ дар видеоконфронси вохӯрии вазирон дар доираи Чин — Осиёи Марказӣ иштирок хоҳанд кард. Дар ин хусус хадамоти матбуоти вазорати корҳои хориҷии Ӯзбекистон хабар додааст. Дар ҷараёни видеоконфронс, ки 16 июл баргузор хоҳад шуд, як қатор масъалаҳо, аз ҷумла ҳамкориҳои иқтисодии Чин бо кишварҳои минтақа баррасӣ мешавад.
Ёдрас мекунем, ки аз замони подшогии Русия то ба имрӯз, Осиёи Марказӣ комилан зери ҳукмронии Кремл қарор дошт, ки онро ҳам дар сиёсати хориҷӣ ва ҳам дохилии ин кишварҳо дидан мумкин аст. Аммо дар тӯли даҳсолаи охир, Чин ба афзоиши ҳукмронии иқтисодӣ худ дар минтақа тавассути ташкили корхонаҳои муштарак, додани қарзҳо ва грантҳо бар ивази ашёи хом барои саноати Империяи худ шурӯъ кардааст. Инчунин, кишварҳои Ғарб, асосан ИМА кӯшиш мекунанд, ки нуфузи худро дар минтақа ҷорӣ кунанд. Асосан, чунин кӯшиши Ғарб дар лоиҳаҳои гуногуни фарҳангӣ, иқтисодӣ, гуманитарӣ ва инчунин лоиҳаҳо дар соҳаи ҳарбӣ дар доираи мубориза алайҳи таҳдиди гӯён терроризм дар минтақа зоҳир мешаванд.
