Ҷорикунии маданияти рус дар Ӯзбекистон

Бинобар иттилои сомонаи хонаи ватандорони Маскав, Ӯзбекистон мақсад дорад таҷрибаи Иттиҳоди Шӯравиро дар таълими забони русӣ истифода барад. Тибқи иттилои муовини раиси хонаи ватандорони Маскав Юрий Каплун дар замони Иттиҳоди Шӯравӣ намояндагон аз Ӯзбекистон ҳарсол як ҳазору панҷсад нафар ба факултаи филологияи Русия дохил мешуданд.

Юрий Каплун ёдоварӣ мекунад, ки гурӯҳи мазкур «забони русӣ дар таҳсилгоҳҳои миллӣ» ном доштанд. Акнун бошад дар Ӯзбекистон ба таҷрибаи гузашта мехоҳанд баргарданд.

Масъалаи мазкур дар рафти семинари бахшида ба баланд бардоштани сатҳи дараҷаи ихтисоси омӯзгорони забони русӣ, ки дар шаҳри Тошканд баргузор гардид баррасӣ шуд. Конфронси мазкур дар тӯли чоряки аср якумин бор гузаронида шуд. 110 нафар омӯзгорони забони русӣ аз мактабҳо, коллеҷҳо ва донишгоҳҳои олии шаҳри Тошканд ва дигар шаҳру навоҳиҳои Ӯзбекистон дар конфронс иштирок варзиданд.

Ташкилоти асосӣ оид ба паҳн намудани забони русӣ ва фарҳанги Русия дар Осиёи Марказӣ — «Олами рус» мебошад ва қаблан гузориш додааст, ки Вазорати маорифи Ӯзбекистон барои таъсиси маркази забонҳои русӣ, ки маркази паҳншавии фарҳанги рус дар кишвар хоҳад шуд, пешниҳод намудааст.

Минбаъд дар донишгоҳҳои олии Ӯзбекистон боз системаи 5 балии баҳогузории донишҷӯён ҷорӣ карда мешавад. Санади мутобиқшуда аз ҷониби Вазорати адлияи Ҷумҳурии Ӯзбекистон ба имзо расидааст.

Мушоҳидон қайд мекунанд, ки системаи мазкури баҳогузории дониш дар давраи Иттиҳоди Шӯравӣ низ вуҷуд дошт, айни замон бошад системаи мазкур дар донишгоҳҳои олии Русия татбиқ карда мешавад.

Ба ақидаи мушоҳидони мустақил воқеӣ мазкур ба он далолат мекунад, ки режими Мирзиёев самти наздикшавӣ бо Русия дар соҳаи маданиятро пеш гирифтааст, ки барои нигоҳдоштани айнияти мардуми Ӯзбекистон бениҳоят хатарнок мебошад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.