Дар Туркманистон ба ниқобпӯшӣ маҷбур мекунанд
13 июли соли ҷорӣ Вазорати тандурустӣ ва саноати тиббии Туркманистон ба сокинони маҳаллӣ фармуд, ки ниқоб истифода кунанд ва дар ҷойҳои ҷамъиятӣ масофаи иҷтимоиро нигоҳ доранд, аммо сабаби чунин тасмимро мақомот на эпидемияи коронавирус, балки «афзоиши таркиби чанг дар ҳаво» номид.
Вазорати тандурустӣ ҳушдор додааст, ки афзоиши миқдори хок дар ҳаво «барои саломатии инсон, пеш аз ҳама барои системаи нафаскашӣ номусоид мебошад.»
Чи тавре ки Turkmen.news менависад, Раёсат ба шаҳрвандон тавсия додааст, ки «дар масофаи бехатар аз ҳамдигар — на камтар аз 1 метр» дурӣ биҷӯянд, инчунин қоидаҳои гигиенаи шахсиро риоя кунанд, дар вақти хунукшавӣ дар зери кондитсионер аз ҳад зиёд нанишинанд ва аз «оби ях» истифода набаранд, зеро ин ҳама, ба гуфтаи вазорати тандурустӣ, метавонад ба шиддатёбии бемориҳои роҳи нафас гардад».
Нақлиёти полиси роҳ бо нишонаҳои дурахшон аз баландгӯяк оиди зарурати пӯшидани ниқоб ҳушдор медиҳад ва инчунин ҳузури ниқобҳо барои ронандагон ва мусофирон дар даромадгоҳи Ашқобод тафтиш карда мешавад.
Қобили зикр аст, ки мақомоти Туркманистон то ба имрӯз мавҷудияти коронавирусро дар ин кишвар рад карда меояд, гарчанде ки манбаъҳои мустақил ва сокинони маҳаллӣ борҳо дар хусуси вуҷуд доштани вируси Covid-19 дар кишвар гузориш дода буданд.
