Мақомоти Туркманистон бо коронавирус сироятшудагонро аз коршиносони СҶТ пинҳон мекунанд
Пас аз он ки Вазири корҳои хориҷии Туркманистон Рашид Мередов рӯзи 22-уми апрел айбҳоро дар бораи он, ки ҳукумат мавҷудияти сирояти коронавирусро дар брифинг бо намояндагони созмонҳои байналмилалӣ пинҳон кард СҶТ тасмим гирифт, як гурӯҳи коршиносонро ба Туркманистон фиристад, то шахсан мавҷуд будани беморони гирифтори COVID-19-ро дар кишвар тафтиш кунанд.
Тибқи иттилои нашрияи-интернетии «Хроника Туркменистана» бо истинод ба манбаъҳои худ, намояндагони Вазорати тандурустӣ ва саноати тиббӣ, Вазорати корҳои хориҷӣ, Вазорати корҳои дохилӣ, Вазорати Амнияти Миллӣ ва як қатор вазорату кумитаҳо, аз ҷумла шӯъбаҳои минтақавӣ мулоқот карданд ва муҳокима намуданд, ки чӣ гуна чораҳоро андешидан мумкин аст, то Туркманистонро дар саҳни беҳтар муаррифӣ кунанд.
Дар натиҷа, қарор қабул карда шуд, ки муваққатан вилоятҳои сироятёфта ба муассисаҳои тиббии дурдасти деҳот гузаронида шаванд, ки дар он минтақаҳои карантинӣ насб карда мешаванд, иттило медиҳад нашрия.
Ёдрас мекунем, ки аз моҳи гузашта расонаҳои давлатии Туркманистон пешгирии сироятҳои шадиди роҳи нафасро фаъолона тарғиб мекунанд. Шабакаҳои телевизионии маҳаллӣ ба таври мунтазам видеонаворҳоро дар бораи «бемории номаълум» пахш мекунад. Ғайр аз ин, дар қатори дигар тавсияҳо оид ба тарзи ҳаёти солим нӯшидани чой, гузаронидани тозагӣ бо дуд намудани испанд, хӯроки угро бо қаламфур ва гиёҳҳои хӯрданӣ, ки дар китоби Президент Бердимуҳаммедов «Гиёҳҳои шифобахши Туркманистон» тасвир шудаанд тавсия карда мешавад.
