Туркманистон: писари президент меҳмонхона барои ҳайвонот боз кард
Писари Президенти Туркманистон ва ҳамзамон Вазири саноат ва сохтмон Сердар Бердимуҳамедов санаи 7-уми май дар шаҳри Анауи вилояти Аҳали Туркманистон меҳмонхона барои ҳайвонот ифтитоҳ кард, менависад «Хроника Туркменистана». Меҳмонхона ба якчанд минтақа тақсим шудааст. Якум барои паррандагон. Дуюм барои гурбаҳо ва сагҳо. Ҳаммагӣ меҳмонхона 32 «ҳуҷра» дорад, аз ҷумла 20 ҳуҷраи калони «дуҳуҷрагӣ» ва 12 ҳуҷраи хурд. Инчунин дар он ҷо ҳуҷраи кинолог, майдони чарондан ва машқомӯзии сагҳо мавҷуданд.
Ёдрас мекунем, ки Президент Бердимуҳамедов сагҳои зотии Алабайро хеле дӯст медорад, аз ин рӯ дар кишвар Ассотсиатсияи Алабайҳои Туркманистон таъсис дода шудааст, ки раиси он Сердар Бердимуҳамедов мебошад. Мушоҳидони маҳаллӣ қайд мекунанд, ки таназзули зеҳният ва ҷудоии режими ҳукмрон аз воқеият торафт ба аҳолӣ равшан гардида айни замон аз бӯҳрони иқтисодӣ дар пасманзари пандемияи глобалӣ азият мекашад, аҳолӣ дар мағозаҳои давлатӣ барои харидани нон навбат меистад ва на бештар аз ду адад нон пайдо кардан имкон надорад.
