Қазоқистон дар сатҳи қонунгузорӣ ҳиҷобро манъ мекунад

Намояндаи ҳукумати расмии Қазоқистон  замони манъ кардани  ҳиҷобро эълон намуд.

Иҷрокунандаи вазифаи раиси Кумитаи оид ба корҳои дини ҷумҳурии Қазоқистон Бакитҷон Кулекеев қайд намуд, ки манъи ҳиҷобпӯшӣ дар кишвар пас аз омӯхтани афкори омма ҷорӣ карда мешавад: «Хадамот аллакай ба кор шурӯъ намуд: тағйирот дар қонун, шояд, манъ намудани ҳиҷоб то охири сол ҷорӣ шавад. Илова бар ин таҷрибаи байналмиллалӣ низ омӯхта мешавад».

«Ин мавзӯъ на ин ки намуди зоҳирӣ, чи либос бошаду, чи ҳиҷоб, чи шими кӯтоҳ бошаду, чи риш монӣ. Дар байни аҳолӣ  мафкура ва қадриятҳои ба мо бегона таблиғ шуда истодааст. Мутаассифона, баъзан ин ҳолат ба зуҳуроти радикалӣ рафта мерасад. Албатта, ба ин ҳолат давлат ва ҷомеа эътино бояд кард», — иброз намуд ӯ.

Ёдрас мекунем, ки оиди манъи ҳиҷоб ба сатҳи қонунгузорӣ дар кишвар президент Нурсултон Назарбоев бо намояндагони рӯҳоният дар шаҳри Акорд санаи 19 апрел вохӯрда ҳарф зада буд. Тибқи гуфтаҳои президент «либоси сиёҳ ба маданият ва халқи мо мувофиқат намекунад».

Бояд қайд намуд, ки дини Ислом ба заминҳои Қазоқистони муосир ҳанӯз дар асри 8 милодӣ омада буд, аз он давр ин халқ на замони подшогии рус, на дар замони истилоӣ шӯравиён аз Ислом рӯй нагардонид.

Ходими илмии шӯъбаи муносибатҳои байни нажодии Маркази байналхалқии маданиятиву динӣ Д.Б. Есенова дар маърӯзаи худ бо номи «Таърихи паҳншавии Ислом дар минтақаи Қазоқистон» оиди нақши Ислом дар мардуми ин минтақа чунин тавсиф менамояд:

«Таърихи кишвари мо садсолҳоест, ки бо Ислом вобастагии зич дорад. Дини мазкур ҳамчун яке аз асосҳои ташаккулёбии хусусияти рӯҳиву маданиятии мардуми қазоқ ба ҳисоб меравад. Туркҳои қадим, аҷдодони мардуми қазоқ буда, бевосита дар ташаккулёбии тамаддуни Ислом иштирок намуда, дар аксарият комёбиҳои он алоқадор мебошанд».

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.