Азимҷон Аскаров дар колонияи Қирғизистон вафот кард
Ҳомии ҳуқуқи инсон Азимҷон Аскаров, ки дар рӯйдодҳои соли 2010 дар ҷануби Қирғизистон бо иттиҳоми бардурӯғ айбдор дониста шудааст, дар маҳбас даргузашт. Азимҷон Аскаров, ки дар муассисаи ислоҳи рақами 19 адои ҷазо мекард, рӯзи 24-уми июл бо ёрии таъҷилӣ ба қисми тиббии колонияи ислоҳии рақами 47 интиқол дода шуд.
Қаблан дар хусуси бемории Азимҷон Аскаров ҳимоятгари ӯ Валериан Вахитов хабар дода буд. Бо сабаби вазъи бади саломатии ӯ Созмонҳои байналмиллалии ҳуқуқи башар талаб доштанд, ки ӯро аз маҳбас озод кунанд. Пас аз ҳодисаҳои моҳи июни соли 2010, ӯ бо гумони ташкили ошӯбҳо ва шарикӣ дар куштори корманди полис боздошт гардида буд.
Ҳама хешовандон ва дӯстони ӯ ва инчунин ташкилотҳои байналмилалии ҳуқуқи башар бо як овоз изҳор доштанд, ки парвандаи ҷиноӣ алайҳи Азимҷон Аскаров бофта шудааст. Марҳум ҳамчун мубориз барои адолат ва ҳимоятгари мусулмонони мазлум маъруф буд.
Ёдрас мекунем, ки санаи 24-уми январи соли 2017 Додгоҳи вилоятии Чуйскӣ баррасии парвандаро бо сабабҳои нав ошкоршуда оғоз кард, аммо дар ниҳоят қарори қаблиро бетағйир гузошт. Айнан ҳамин қарорро 13-уми майи соли 2020 Суди Олӣ низ дастгирӣ кард.
