Ӯзбекистон: мансабдорон тариқи телевизион ошкоро узрхоҳӣ намуданд
24-уми июл роҳбарони маъмурияти 11 ноҳияи шаҳри Тошканд бо дархости сокинон тариқи телевизион баромад карда, узрхоҳӣ намуданд. Чи тавре ки нашрияи Газета.уз хабар медиҳад, мақомоти расмӣ ба сокинон тариқи шабакаи телевизионии «Олавий» муроҷиат карда, аз омодасозии нокифоя ба пандемия ва сустии мубориза бо сирояти коронавирус узр пурсидаанд.
«Мо, тамоми маъмурияти ноҳия, аз сокинони кишвар узр мепурсем, ки корҳои саривақтии мубориза бар зидди коронавирусро сари вақт ба анҷом нарасондем, ки ин боиси паҳншавии бемориҳо ва марги наздикон дар баъзе оилаҳо гардидааст», — иброз намуд дар баромади худ ҳокими ноҳияи Сергелӣ, Бахтиёр Шамуратов.
Дар навбати худ, истифодабарандагони шабакаҳои иҷтимоӣ дар Ӯзбекистон ин амали мансабдоронро «худнамоишдиҳӣ» ва «масхарабозӣ» номиданд. «Масхарабозӣ» дар айни омодагист! Шумо аз президент узр пурсидед? Дар арафаи зодрӯзӣ? Ногаҳон ҳама дар як вақт, як рӯз ба телевизион омада узрхоҳӣ намуданд», — менависад яке аз истифодабарандагон.
Дар Ӯзбекистон ошкоро дар байни мансабдорон бахшиш пурсидан ба анъана табдил ёфтааст. Масалан, пас аз хароб кардани хонаҳо дар минтақаҳои кишвар ва эътирози минбаъдаи аҳолӣ, Шавкат Мирзиёев моҳи августи соли гузашта ҳокимонро барои қонуншиканӣ танқид кард ва аз онҳо даъват кард, ки аз мардум узр пурсанд. Баъд аз ин, ҳокимон ба таври ошкоро узр пурсиданд ва узрҳои худро ба видео сабт карда дар шабакаи YouTube ҷойгир намуданро оғоз карданд.
