Газпром газро ба Қирғизистон бо нархи гарон мефурӯшад

Газпром газро ба Қирғизистон бо нархи гарон мефурӯшад

Депутати Жогорку Кенеши Қирғизистон Жанарбек Акаев таваҷҷӯҳи худро ба он ки чаро дар заминаи паст шудани нархи нафт ва газ дар тамоми ҷаҳон нархи сӯзишвории кабуд дар Қирғизистон боло рафта истодааст нигаронид. Акаев чунин саволро дар ҷаласаи парлумон иброз намуд, менависад радиои Азаттык.

Ёдрас мекунем, ки имрӯзҳо «Газпром-Қирғизистон», ширкати фаръии «Газпром» — и Русия ба тарофаҳои зерини газ мувофиқат дорад: як метри мукааби газ барои аҳолӣ 17,63 сом ва барои шахсони ҳуқуқӣ 21,3 сомро ташкил медиҳад. Бояд қайд кард, ки ширкати русии Газпром газро аз Ӯзбекистон мехарад ва барои ҳазор метри мукааб ба Қирғизистон бо нархи 220 доллар мефурӯшад. Фарқ дар арзиши газе, ки мустақиман аз Ӯзбекистон метавон харидорӣ кард, барои Қирғизистон 100 доллар барои ҳазор метри мукаабро ташкил медиҳад. Рӯзҳои охир дар биржаҳои ҷаҳонӣ арзиши газ коҳиш ёфта, 75-80 долларро ташкил дод. Коршинос Шайырбек Маматокторов мегӯяд, ки ширкати «Газпром» газро ба Қирғизистон бо нархи гарон мефурӯшад.

«Газпром» — и Русия газро аз Ӯзбекистон бо арзиши 120 доллар мехарад ва ба мо бо арзиши 250 доллар мефурӯшад. Барои муқоиса: Тоҷикистон узви ҲИАО набуда, бо Ӯзбекистон шартнома баста газро бо нархи 120 доллар мехарад. «Газпром» ба Беларус газро бо арзиши 127 доллар мефурӯшад, президент Александр Лукашенко нархро баланд мешуморад ва кӯшиш дорад онро то 90 доллар коҳиш диҳад. Ва ӯ ҳақ дорад, зеро дар бозори ҷаҳонӣ нархи сӯзишвории кабуд 75 долларро ташкил медиҳад. Оё дуруст аст, ки дар пасманзари чунин нархҳо дар ҷаҳон, Газпром фурӯши газро ба Қирғизистон бо арзиши 250 доллар идома медиҳад ва ҳукумати мо хомӯш аст? Мо дар бораи кадом иттифоқ ва дар бораи чӣ гуна мушорикат сӯҳбат карда метавонем?”, мегӯяд Маматокторов.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.