Мақомоти Тоҷикистон табибонро маҷбур мекунад либосҳои муҳофизатӣ бихаранд

Мақомоти Тоҷикистон табибонро маҷбур мекунад либосҳои муҳофизатӣ бихаранд

Дар сегменти тоҷикии шабакаҳои иҷтимоӣ ҷанҷоле ба миён омадааст, ки мақомот табибонро маҷбур мекунанд, ки аз ҳисоби худ либоси муҳофизатӣ аз коронавирус бо арзиши 150 сомонӣ харидорӣ намоянд. Истифода баранда бо номи Лола Якубова номае бо ғазаб нашр кард, ки дар он навиштааст: «Табибон маҷбуранд либосҳои муҳофизатиро ба маблағи 150 сомонӣ харидорӣ намоянд.  Ин маблағро аз куҷо дастрас мекунанд?  Кӯмаки башардӯстона дар куҷост?  Оё кӯмаки башардӯстона барои фурӯш аст. Ин бесару сомони дар соҳаи тандурустӣ кай ба поён мерасад?

Ғайр аз ин, дар шарҳи гузориши мазкур, садҳо нафар тоҷикон бо ғазаб ва тасдиқи ин маълумот шарҳҳои худро гузоштанд. Истифода барандаи дигаре бо номи Марҳабо дар шарҳ менависад: «Ҳама чизро худам харидаам, ниқобҳо, антисептикҳо, дастпӯшҳо ва кулохҳоро дар давоми ҳар ду соат иваз мекунам. Либоси муҳофизатӣ то ҳол супориш дода нашудааст.»

Ёдрас мекунем, ки қаблан Иттиҳоди Аврупо ба Тоҷикистон барои мубориза алайҳи коронавирус €48 млн евро ҷудо карда буд, инчунин ба таври алоҳида €1,3 млн евро барои либоси муҳофизатии кормандони тиб ва €780 ҳазор евро барои муассисаҳои таълимӣ низ ҷудо карда буд.

Ғайр аз ин, Тоҷикистон ҳарсол аз кишварҳои гуногун ва созмонҳои байналмилалӣ кӯмаки башардӯстона мегирад, ки маблағи он ба даҳҳо млн доллар мерасад. Масалан, танҳо дар ҳафт моҳи соли 2019 ба Тоҷикистон ба маблағи зиёда аз $35 млн доллар ёрии башардӯстона, аз ҷумла: орд, равғани растанӣ, доруворӣ, ҷиҳозҳои тиббӣ ва бисёр чизҳои дигар ворид шудааст.

Манбаи Ҳабархо дар яке аз беморхонаи касалиҳои сирояткунандаи шаҳри Хуҷанд бо шарти ниҳонӣ гуфт, ки беморхонаи мазкур ҳеҷ гоҳ дорувориҳое, ки дар доираи ёрии башардӯстона гирифта шудааст, ройгон намедиҳад, яъне беморон ҳамеша барои ҳар як дору пардохт мекунанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.