Аспҳои набераи Раҳмон дар мусобиқа ҷойҳои якум ва дуюмро ишғол намуд

Аспҳои набераи Раҳмон дар мусобиқа ҷойҳои якум ва дуюмро ишғол намуд

Дар мусобиқаҳои ҷумҳуриявӣ оид ба аспдавони барои ҷоми «Пойтахт 2020», ки 22-уми март дар ипподроми пойтахт баргузор шуд, аспсаворон дар 70 аспи зотҳои тоҷикӣ ва англисӣ, инчунин аспҳои ахалтекин аз шаҳрҳои Душанбе, Ваҳдат, Роғун, Данғара, Рӯдакӣ, Файзобод, Фархор ва Ховалинг иштирок варзиданд, дар ин хусус сардовари ин мусобиқа Арбобмирзо Шамсиев рӯзи 24-уми март хабар дод.

Ба гуфтаи Шамсиев, мусобиқаҳои варзиши аспдавони аз ҷониби мақомоти шаҳрдории пойтахт ва Вазорати кишоварзии Тоҷикистон дар якҷоягӣ бо федератсияи миллии аспсаворӣ ва бузкашӣ ташкил карда шудаанд.

Иштирокчиёни асосии мусобиқа аспҳои набераи раисҷумҳур Раҳмон Анушервони Рустам будаанд. Дар мусобиқаҳои рӯз дар масофаи 2000 метр дар байни аспҳои зотҳои англисии чорсола ё бештар аз он, аспсавор Манучеҳр Асомиддинов бо аспи лақабаш Шерхон-Дарк, ки соҳиби он Анушервони Рустам аст бо натиҷаи 2 дақиқаву 3 сония ғалаба кард.

Ҷои дуюмро аспсавор Далер Сафаров бо аспи лақабаш Паймон, ки ба Анушервон Рустам тааллуқ дорад, ишғол кард.  Ёдрас мекунем, ки дар озмуни соли гузашта низ аспҳои набераи раисҷумҳур чун ҳарвақта ҷойи аввалро гирифта буд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.