Тоҷикистон яке аз кишварҳои авторитарӣ дар ҷаҳон боқӣ мемонад

Комиссияҳои ИМА оид ба озодии динҳои байналхалқӣ як бори дигар Тоҷикистонро дар феҳристи сиёҳи кишварҳои поймолкунандаи ҳуқуқи инсон гузоштааст.

«Соли 2016 ҳукумати Тоҷикистон барои дохил нашудан ва ё иштирок накардани инсонҳо ба ташкилотҳои экстремистӣ чораҳо андешидаст ва садҳо нафарро дастгир намуда ва ба ҳабс гирифтааст», — гуфта шудааст дар маърӯзаи байналхалқӣ оиди озодии эътиқод аз санаи 2016, ки 15 август нашр гардидааст.

Қайд шудааст, ки тибқи тағйиротҳои моҳи майи соли гузашта дар Сарқонун фаолияти партияҳои сиёсӣ, ки бар дин асос ёфтааст манъ карда мешавад. Қонунгузории кишвар гузоштани намози исломиро дар ҷойҳои муайян маҳдуд менамояд, ба қайд гирифта шудан ва ҷойгир намудани масоҷидро ба танзим медарорад ва ба шахсоне аз сини 18 сола поин иштирок кардан дар ҷамъиятҳои динӣ мамнӯъ менамояд.

«Ташкилотҳои маҳаллӣ ва байналхалқии ғайридавлатӣ мегӯянд, ки ба рейдҳо дучор шудан, таҳти назорат қарор гирифтан ва ба таври маҷбурӣ баста шудани ташкилотҳои қайд шуда ва қайд нашудаи динӣ идома ёфта истодааст. Ҳукумат гузоштани камераҳои назораткунанда ва дастгоҳҳои фулузкобакро идома медод, то ин ки иқтидори фаолияти «динӣ-экстремистиро» назорат кунад. Ҳимоятгарони ҳуқуқ таъкид мекарданд, ки ҳукуматдорон мехостанд дар кишвар «фаолияти мусулмононро таҳти назорати пурра» бигиранд. Ҳукумат хабар додааст, ки таи чанд соли ахир аз тарафи ҳукуматдорон зиёда аз 1000 ҷойҳо ва масҷидҳои намозгузории бо ном ”ғайриқонунӣ» дар саросари кишвар баста шудаанд, як қисми онҳоро ба «марказҳои маданиятӣ ва дилхушӣ» табдил додаанд», — қайд мекунанд муаллифони маърӯза.

Инчунин, дар маърӯза гуфта шудааст, ки ҳукумат ба 100 имом-хатибон барои  гузарондани таълимоти исломии «ғайриқонунӣ» ба ҷавонон, таҳдид намудааст.

«Хабарҳои зиёд дар хусуси аз тарафи ҳукуматдорон таъқиби занони ҳиҷобпӯш ва мардони ришдор омадааст. Ҳукуматдорон такрор ба такрор рейдҳо мегузаронданд ва мағозаҳои фурӯши либосҳои «ғайриодатии» тоҷикиро бастанро идома медоданд», — қайд намуда шудааст дар маърӯза.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.