Бозори меҳнатии Русия ҷолибияти муҳоҷирони меҳнатиро аз даст медиҳад
Дар пасманзари фурӯравии рубл дар робита бо таназзули иқтисодии қарибулвуқу, рафтан ба Русия барои сокинони кишварҳои Осиёи Марказӣ бесамар мебошад.
Беқурбшавии рубли русӣ нисбат ба пули миллӣ — сомонӣ, сӯм ва сом ба даромади муҳоҷирони меҳнатии аз Осиёи Марказӣ ва вазъи молиявии оилаҳои онҳо таъсири манфӣ расонид. Дар маводи нашркардаи ОИ Азия-Плюс вазъи муҳоҷирони меҳнатии Русия матраҳ карда шудааст.
Ҳамин тавр, музди миёнаи муҳоҷири меҳнатӣ ба ҳисоби миёна 35 ҳазор рублро ташкил медиҳад, ки аз он 5400 рубл пешпардохт барои патент, 2500 рубл барои сабти муҳоҷиратӣ, 2200 рубл барои сафар бо нақлиёти ҷамъиятӣ, илова бар ин, тақрибан 7000 рубл барои манзил ва хӯрокворӣ сарф мешавад. Дар ниҳояти кор, хароҷоти миёнаи моҳонаи як муҳоҷири меҳнатӣ 17-18 ҳазор рублро ташкил медиҳад, ки ин дар ҳолест, ки 35 ҳазор музди меҳнати муҳоҷирон аст. Аз ин рӯ, тибқи қурби ҷории рубл нисбати доллар, ин 230-280 долларро ташкил медиҳад.
Ҳамин тариқ, мақомоти Русия, ки солҳои тӯлонӣ алайҳи кишварҳои Осиёи Марказӣ таҳдид мекард, эҳтимол дар замони наздик чунин фишорро, ба монанди муҳоҷирони меҳнатӣ, аз даст медиҳад, ки дар навбати худ онҳо барои ҷустуҷӯи даромади хуб кишварҳои дигарро интихоб мекунанд. Масалан, дар ду соли охир шумораи муҳоҷирони меҳнатӣ аз Украина дар Русия аллакай якчанд маротиба коҳиш ёфтааст.
