Дар Тоҷикистон аз 1-уми феврал масҷидҳо кушода мешаванд

Дар Тоҷикистон аз 1-уми феврал масҷидҳо кушода мешаванд

Ситоди ҷумҳуриявии пешгирии коронавирус дар Тоҷикистон бо риояи меъёрҳои санитарию эпидемиологӣ иҷозат додааст, ки аз 1-уми феврал дар масҷидҳои кишвар намози дастаҷамъӣ хонда шавад.

Рӯзи 20-уми январ Ситоди ҷумҳуриявӣ оид ба пешгирии коронавирус қарореро нашр кард, ки дар он ба Кумитаи оид ба корҳои дин, танзими анъана, ҷашну маросимҳои Тоҷикистон, Маркази исломии Тоҷикистон ва Вазорати тандурустии кишвар дастур дода шудааст «вобаста ба иҷрои қарор чораҳои зарурӣ ва риояи қатъии дар иттиҳодияҳои динӣ ва масҷидҳо дар ибодатҳои дастаҷамъӣ  қоидаҳои гигиенаи шахсӣ ва ҷамъиятӣ таъмин карда шаванд.»

Инчунин ба зарурати риояи қатъии қоидаҳои гигиенаи шахсӣ ва ҷамъиятӣ ва ҳатмӣ пӯшидани ниқобҳои тиббӣ дар масҷидҳо, алахусус дар вақти намози ҷумъа ишора карда шудааст.

«Масҷидҳое, ки ба талаботи гигиенаи шахсӣ ва ҷамъиятӣ вобаста ба пешгирии бемориҳои сироятӣ мувофиқат намекунанд, фаолияташон манъ карда мешавад», — қайд шудааст дар иттилоияи ситоди ҷумҳуриявӣ.

Ёдрас мекунем, ки масҷидҳо дар Тоҷикистон пас аз ҳама муассисаҳо дубора ба кор шурӯъ карданд, дар ҳоле ки онҳо бо сабаби вазъи эпидемиологӣ моҳи марти соли 2020 бинобар карантин баста шуда буданд.  Дар ҳоле ки бозорҳо, меҳмонхонаҳо, осоишгоҳҳо, марказҳои савдо, толорҳои зебоӣ, сартарошхонаҳо, ошхонаҳо, қаҳвахонаву тарабхонаҳо, фитнес клубҳо ва маҷмааҳои варзишӣ аз 15 июни соли 2020 фаъолият доранд.

Нозирон дар маҳалҳо, дар тӯли тамоми давраи карантин, нофаҳмии фарқияти муносибати мақомот ба масҷидҳо ва дигар муассисаҳои давлатиро қайд карданд; аксар вақт таъкид мешуд, ки режим пандемияро ҳамчун баҳонаи дигаре барои маҳдуд кардани фаъолияти динӣ дар кишвар истифода мебарад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.