Дар Тоҷикистон имом-хатиби масҷид дастгир шуд
Бо гумонбари аъзогӣ дар ҳаракати исломии «Салафия» санаи 28 сентябр дар яке аз масҷидҳои Суғд имом-хатиб дастгир шуд. Дар ин хусус ОИ «Азия-плюс» такя ба манбаи худ дар хадамоти ҳифзи ҳуқуқ хабар медиҳад.
Имом-хатиби масҷиди деҳаи Чорук-Даррони шаҳри Гулистон, Илҳомиддин Абдуллоеви 42 сола дастгир шудааст.
Ба ақидаи кормандони амният Абдуллоев на танҳо дар ҳаракати исломии «Салафия» иштирок намудааст, балки ҳозирини масҷидро низ ба ин даъват мекардаст.
«Нисбати Абдуллоев парвандаи ҷиноӣ оғоз гардидааст ва дар айни замон дар боздошти пешакӣ қарор дорад», қайд намуд манбаъ.
