• Home »
  • Habarho »
  • Бо Иди Қурбон табрику таҳният мегӯем!

Бо Иди Қурбон табрику таҳният мегӯем!

«Аллоҳу акбар, Аллоҳу акбар, ла илаҳа илла Ллоҳу, Аллоҳу акбар, Аллоҳу акбар, ва ли Ллаҳил-ҳамд».

Портали иттилоотӣ-таҳлилӣ «Хабарҳо» мусулмонони тамоми ҷаҳонро, хусусан мусулмонони Осиёи Миёнаро бо фарорасии Иди Қурбон (Иди Аҳзо) муборакбод мегӯяд.

Аз Аллоҳи мутаъол дуогӯён мепурсем, ки қурбониҳо ва дигар амалҳои шоистаи шуморо, ки дар ин рӯзҳо ба ҷо овардаед ба даргоҳаш қабул намуда, гуноҳҳои моро биомурзад. Чи тавре ки маълум гардид, қувваҳои режим дар Тоҷикистон нақша доранд, то дар тамоми қаламрави Тоҷикистон рӯзҳои ид рейдҳо гузаронанд. Бо ин онҳо мехоҳанд ба бо шукӯҳ ҷашнгирии иди исломӣ аз тарафи мардум сади роҳ шаванд.

Аз Аллоҳи Таборак ва Таъоло илтиҷо намуда мепурсем, ки моро аз ин беадолатӣ ва таҷовуз нисбати дини ҳақ, ки аҷдодони мо қабул намудаанд ва дар тӯли ҳазорсолаҳо дар он устувор буданд, дар паноҳаш нигоҳ дорад.

Аз Аллоҳи Маннон илтиҷо мекунем, ки ба мардумони мо бо воситаи ёрдами худ, аз золимони бедодгар ва аз зиёни мустамликадорон наҷот диҳад. Қадамҳои моро дар динаш устувор намуда, ба роҳи ҳақ ҳидоят намояд. Дар ҳақиқат, Ӯ — Зоти бахшоянда ва меҳрубон аст.

Таҳририяти портали иттилоотӣ-таҳлилӣ «Хабарҳо»

21.08.2018