Дар Тоҷикистон имомони дар хориҷ таҳсил гирифтаро сабукдӯш менамоянд

Кумитаи оид ба корҳои дин,  танзими анъана ва ҷашну маросимҳои миллии Тоҷикистон бо ташаббуси аз мансаб сабукдӯш намудани имом-хатибони масоҷид, ки дар хориҷа таҳсил гирифтаанд баромад намуд. Дар ин хусус ОИ «Авеста» такя ба хадамоти иттилоотии Кумита хабар додааст.

Имом-хатибони масоҷид, ки дар хориҷа таҳсил гирифтаанд бо дигар намояндагони рӯҳонияти расмӣ иваз хоҳанд кард. Тибқи гуфтаҳои намояндаи кумита, қарорномаи мазкур ба раисони шӯъбаи  хадамотҳо супорида шуд.

Ҷолиби диққат аст, ки раиси Шӯрои Уламои Тоҷикистон қарори мазкурро чунин шарҳ додааст: «Агар Кумитаи оид ба корҳои дин чунин қарорро қабул карда бошад, пас қарори мазкур дуруст аст ва беҳуда нест», қайд намуд Абдуқодирзода. Ба ақидаи ӯ, чизе ки аз тарафи ҳукумат карда мешавад, барои амнияти кишвар ва беҳбудии мардум мебошад. «Сулҳу субот — аз ҳама муҳим ин аст», хулоса кард Саидмукаррам Абдуқодирзода.

Ёдрас мекунем, ки ин бори аввал нест, ки Абдуқодирзода ҳамаи қарорҳои зиддиисломии режими Раҳмонро, бигзор сафсата бошад ҳам дастгирӣ менамояд. Дар баробари ин,  суханпардозии ӯ оиди чунин мавзӯъ шиори аламовари замони истилои Тоҷикистон аз тарафи шӯравиро ёдрас менамояд, ки ба тариқи зайл буд: «Агар партия гӯяд: лозим! Комсомол посух медиҳад: итоат!».

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.