Дар Тоҷикистон фарорасии моҳи Рамазонро пешакӣ эълон намуданд

Шӯрои Уламои маркази исломии ҶТ санаи фарорасии моҳи Рамазонро эълон намуд. Чи тавре ки дар рӯҳонияти расмӣ қайд намуданд, имсол барои мардуми Тоҷикистон моҳи шарифи Рамазон санаи 17-уми маӣ фаро мерасад.

Чи тавре ки ОИ «Азия-Плюс» ба Шӯрои уламо такя намуда хабар медиҳад,

«Тибқи иттилои пажӯҳишгоҳи астрофизикии Академияи илмҳои Тоҷикистон, рӯзи 29-уми моҳи Шаъбон (16-уми маӣ тибқи солшумории мелодӣ) соати 16:48 ҳодисаи астрономӣ, яъне моҳи нав пайдо мешавад. Вале, ба ақидаи астрофизикон дидани моҳи нав дар қаламрави Тоҷикистон ғайриимкон мебошад».

Ғайр аз ин, Шӯрои уламо рӯзи охири моҳи Рамазонро 15 июн муайян намуд. 16-уми июнро бошад рӯзи иди Рамазон муайян кард.

Бояд қайд намуд, ки тибқи чор мазҳаби исломӣ, фарорасии моҳи Рамазон бевосита бо дидани ҳилоли нав шурӯъ мешавад. Дар инҷо ҳисоботи астрономӣ, ғайр аз муайян намудани 5 вақти намоз ва вақти суҳуру ифтор, ки шариъати исломӣ ба он иҷозат додааст, ба инобат гирифта намешавад. Аз ин рӯ, тамоми кишварҳои арабӣ ва мусулмонии ҷаҳон охири рӯзҳои моҳи Шаъбон ва Рамазонро дар тадқиқоти само ва дидани ҳилоли нав барои муайян намудани аввалу охири моҳи мубораки Рамазонро мегузаронанд. Ҳарчанд солҳои охир мансабдорони динӣ бо фармоиши золимон ва мустамликадорон кӯшиш барои баргардонидани муайянкунии даври Иттиҳоди Шӯравӣ моҳи Рамазонро ба мусулмонони кишварҳои собиқ Иттиҳоди Шӯравӣ талқин намоянд ҳам, онҳо мавзӯи зеринро дарк намуда истодаанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.