Коронавирус дар Тоҷикистон: нигоҳ доштани қудрат ва ё нигоҳубини мардум?

Коронавирус дар Тоҷикистон: нигоҳ доштани қудрат ва ё нигоҳубини мардум?

Теъдоди мубталоёни сирояти коронавирус дар Тоҷикистон ба 3 ҳазор нафар расидааст, хабар медиҳад радиои Озодӣ. Тибқи маълумоти Вазорати тандурустӣ ва ҳифзи иҷтимоӣ ахолии Ҷумҳурии Тоҷикистон, то 25 май 3100 нафар дар кишвар сироят ёфтаанд, 1395 нафар бемор шифо ёфтаанд, 46 нафар вафот кардаанд.

Дар ҳамин ҳол, дар «рӯйхати маъмул» — и қурбониёни коронавирус дар Интернет номи зиёда аз 349 нафар қурбониёни илтиҳоби шуш ва коронавирусро зикр мекунанд. Рӯйхати мазкур бар асоси гузориши расонаҳо, шабакаҳои иҷтимоӣ ва наздикони вафот кардагон таҳия шудааст. Бисёре аз коршиносон ва шаҳрвандон ба дурустии омори расмӣ шубҳа мекунанд.

Ёдрас мекунем, ки мақомоти Тоҷикистон то 30-уми апрел дар кишвар вуҷуд доштани ҳодисаҳои сирояти коронавирусро пинҳон карданд, ҳарчанд ҳамарӯза гузоришҳо дар бораи афзоиши беморони «илтиҳоби шуш» ва фавт аз ин беморӣ паҳн мешуд. Мушоҳидон қайд мекунанд, ки қабл аз эълони расмии ҳолатҳои сироят аз тарафи мақомоти кишвар, як қатор кишварҳо ва Созмони ҷаҳонии беҳдошт ба Тоҷикистон кӯмакҳои башардӯстона барои мубориза алайҳи коронавирус пешниҳод карда буданд, ки онро мақомоти кишвар ҳамчун кӯмак ба мардум гӯё аз номи «Ҷаноб» интиқол мекунанд. Тибқи натиҷаҳои моҳҳои январ-апрели соли 2020, аз 43 кишвар ба Тоҷикистон ба маблағи 7,7 миллион доллар кӯмаки башардӯстона ирсол шудааст, хабар медиҳад Оҷонсии омори назди президенти ҷумҳурӣ. Дар чунин ҳолат, коршиносон як саволи оқилонаро пеш мегузоранд: тамоми кӯмакҳои молиявӣ ва моддие, ки аз дигар кишварҳо интиқол шудааст ба куҷо рафтаанд?

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.