Муроҷиати Эмомалӣ Раҳмон ба сокинони кишвар оиди фарорасии зимистон
Дар давоми чанд соли ахир пеш аз фарорасии зимистон раисҷумҳури Тоҷикистон бо ғамхории бардурӯғ ба аҳолии кишвар муроҷиат менамояд, ки дар он ба хадамоти давлатии муносиб супоришҳо дода, аз сокинони кишвар хоҳиш мекунад, ки барои зимистон маводҳои сӯзишворӣ ва хӯрока захира намоянд.
Дар шароите, ки оилаҳои серфарзанд дар Тоҷикистон бисёранд ва бо даромади онҳо, оё чунин корро кардан имконият дорад? Бо вуҷуди он, ки оилаи миёна дар кишвар ҳадди ақал аз панҷ нафар иборат буда, маоши миёна дар кишвар тақрибан 150-200$ — ро ташкил мекунад.
«Ман барои нигоҳдоштани хӯрокворӣ дар манзили 3 хонагаи танг, ки ҳоло 6 нафар зиндагӣ мекунем, ҷои кифояткунанда надорам», мегӯяд сокини пойтахт Муродбек Шокиров дар муҳосиба бо хабарнигори ОИ «Азия-плюс». «Оё хӯроквориро ба 4-5 моҳ захира кардан имконият дорад, ҳол он ки маоши аксарият аз 200$ зиёд нест!? Масалан, ман як моҳа хӯроквории оилаамро — орд, равған, шакар, картошка захира карда метавонам. Вале ба зиёдтар харидори кардан имконият надорам. Чунин маслиҳатҳоро ҳукумат бояд ба хадамотҳои худ, ки бо захиракардан машғуланд бидиҳад. Аҳоли бошад ҳеҷ вақт имконияти захира кардани хӯроквори ба муддати дароз надорад. Ин ғайриимкон мебошад», изҳор намуд тоҷикистонӣ.
