Афзоиши қарзи давлатии Тоҷикистон бо суръати тез идома дорад

Аз тарафи бонки миллии Тоҷикистон ба маблағи 500 млн доллар вомбарги давлатӣ дар биржаи Амрико ҷойгир карда шудааст. Дар ин хусус хадамоти матбуотии Бонки миллии Тоҷикистон хабар медиҳад.

Вомбарги давлатӣ ба фондҳои идоракунанда — 85%, ба фондҳои хеҷ — 9%, ба бонкҳо ва дигар ташкилотҳои молиявӣ — 6% фурӯхта шудааст. Аз ҷиҳати ҷуғрофӣ вомбарги давлатӣ ба маблағгузорони ИМА — 38%, Британияи Кабир — 24%, кишварҳои Иттиҳоди Аврупо — 35% ва Осиё — 3% харидорӣ карда шуд.

Бояд қайд намуд, ки дар ҳолати бо суръати тез афзоиш ёфта истодани қарзи давлатии Тоҷикистон, ҳукуматдорон то ҳол бо пурсидани қарз машғуланд. Имрӯзҳо бо Фонди Байналмилалии Асъор оиди барномаи нави қарздиҳӣ ба кишвар гуфтугӯҳо рафта истодааст. Дар ин хусус ба хабарнигорон санаи 24 — уми июл дар конфронси матбуотии ҷонишини раиси Бонки миллии Тоҷикистон Ҷамолиддин Нуралиев хабар додааст: «Умедворем, ки то охири соли ҷорӣ барномаи мазкур ба имзо мерасад».

Ҳамин тавр, қарзи давлатии Тоҷикистон бо суръати тез афзоиш ёфта истодааст. Масалан, соли 2016 қарзи хориҷии Тоҷикистон дар хати хавфнок қарор дошт ва 35,9% аз Маҷмӯи Маҳсулоти Дохилиро ташкил мекард. Тибқи стратегияи машҳури идоракунии қарздорӣ дар назди иқтисодчиёни Ғарб, ҳаҷми номиналии қарзи хориҷа набояд 40% аз Маҷмӯи Маҳсулоти Дохилиро ташкил кунад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.