Туркманистон: тӯйҳо таҳти назорати Аркадағ

Туркманистон: тӯйҳо таҳти назорати Аркадағ

Муовини сарвазири Туркманистон оид ба фарҳанг ва ВАО Михриҷемал Маммедова дар ҷаласаи ҳукумат рӯзи 20 август Қарор дар бораи тасдиқи Низомномаи танзими давлатии расонидани хизматрасонии фарҳангӣ дар тӯйҳо ва дигар ҷашнҳои кишварро пешниҳод кард.  Дар ин бора хабаргузории давлатии иттилоотии Туркманистон хабар дод.

Дар нашрияи алоҳида, Хабаргузори Давлатии Иттилооти Туркманистон менависад, ки ин ҳуҷҷат «бо мақсади нигоҳ доштани вижагии фарҳанг ва санъати чандинасраи миллӣ, анъана ва урфу одат, танзими давлатии хизматрасонии фарҳангӣ дар Туркманистон дар тӯю маъракаҳои дигар аз ҷониби овозхонҳо, навозандагон, раққосон, ходимони пешбар ва дигар ходимони санъат ва гурӯҳҳои эҷодӣ таҳия шудааст, то ин ки назорати дуруст аз болои сифати ин хидматҳо ба амал ояд.»

Президент Қурбонгулӣ Бердимуҳаммадов санадеро имзо карда, аҳамияти «беҳтар кардани кори хизматрасонии босифати фарҳангӣ ба мардуми туркман ва тавсеаи доираи онҳоро тибқи талаботи замони муосир» қайд кард, — менависад Хроника Туркменистана.

Бояд қайд кард, ки ин гуна танзими ҳаёти хусусии туркманҳо кайҳо боз боиси тааҷҷубовар нест.  Масалан, дар моҳи январи соли 2018 ба туркманҳо рондани мошинҳои рангаш сиёҳро манъ карданд ва дар моҳи майи ҳамон сол ба онҳо фармон доданд, ки танҳо аз мошинҳои рангаш сафед истифода кунанд. Дар моҳи феврали соли 2020 ба кормандони муассисаҳо ва корхонаҳои давлатии вилояти Лебап аз 40 — сола боло мӯйҳои худро сиёҳ ва ҳатто бештар ранг кардан манъ карда шуд: ба онҳое, ки ранги мӯи табииашон бо синну сол сиёҳ боқӣ мондааст, фармон дода шуда буд, ки ба ранги хокистарӣ ранг намоянд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.