Режим барои эҷод намудани муҳити тарс кушиш дорад

Режим  барои эҷод намудани муҳити тарс кушиш дорадДар Тоҷикистон баъзе намудҳои масолеҳи сохтмонӣ бидуни шиноснома фурӯхтан манъ карда шудааст. Тибқи изҳороти ВКД-и Тоҷикистон тадбироти мазкур гӯё ба мақсади пешгирии ҳамлаҳои террористӣ дар кишвар ба нақша гирифта шудааст.

Чи тавре ки радиои Озодӣ такя ба сокини маҳаллӣ Нарзулло Холиқов хабар медиҳад, айни ҳол рӯйхати масолеҳҳои сохтмонӣ ташкил карда шудааст, ки бидуни шиноснома фурӯхтан манъ мебошад.

«Агар ба харидор мех, масолеҳи оҳанӣ ё ин ки карбид калтсия лозим шавад, нишон додани шиносномаашро талаб менамоем. Ҳамаи маълумот дар бораи харидор, инчунин рақами телефони мобилиашро ба дафтари махсус навишта мегирем», мегӯяд Нарзулло Холиқов.

Дар дафтар мӯҳри ШВКД — и маҳаллӣ қайд шудааст, баъзан кормандони милисаи маҳаллӣ дар бозори масолеҳи сохтмонӣ рейдҳо гузаронида ҳатман дафтари қайдҳоро аз назар мегузаронанд.

«Моро сахт таъкид карданд, ки агар қонуншиканӣ намоем чораи ҷазо нисбати мо дида мешавад. Гоҳо ба инсонҳо раҳм мекунӣ, баъзе сокинон аз ноҳияҳои дурдасти кишвар барои харидории мех ба бозор меоянд. Вале шиноснома бо худ надоранд. Албатта раҳмат меояд, аммо дигар илоҷе нест. Ҳамин тавр бо дасти холӣ бармегарданд», мегӯяд фурӯшандаи масолеҳи сохтмонӣ.

Бо вуҷуди ин, кормандони ВКД бар асоси кадом қонун чорабиниҳои зеринро мегузаронанд, шарҳ дода натавонистанд. Инчунин, чаро бояд фурӯшандагон ба маълумоти шахсии шаҳрвандони кишвар имконият дошта бошанд.

Мушоҳидон қайд мекунанд, ки қарори мазкур барои эҷоди муҳити тарс дар кишвар ташкил карда шудааст, ки ба Раҳмон барои хомӯш кардани вазъи мухолифин ва сафедкунии мубориза алайҳи ҳамаи зуҳуроти Ислом карда мешавад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.