Тоҷикистон: ҷойи 133 дар ҷаҳон оиди суръати интернети мобилӣ
Суръати интернет дар Тоҷикистон аз ҳама пасттарин дар минтақа боқӣ мемонад, тибқи рӯйхати навшудаи Speedtest Global Index оиди суръати интернет мутобиқи моҳи январи соли 2020, мавқеи Тоҷикистон ба як сатр поён рафтааст.
Дар рейтинги навшуда оиди суръати Интернети мобилӣ, Тоҷикистон бо суръати боркашӣ 8,98 Мб/с ва зеркашӣ 5,04 Мб/с дар миёни 140 кишвар дар ҷои 133-ум қарор дорад. Аз ҳама бадтарин дар рӯйхат кишвари Фаластин аст, ки суръати боргирии интернет дар онҷо 6,43 Мб/с ва зеркашӣ 2,16 Мб/с ташкил медиҳад.
Ёдрас мекунем, ки чунин вазъият дар Туркманистон низ ба назар мерасад, дар он ҷо, мисли Тоҷикистон, интернети мобилӣ хеле гарон ва суст мебошад.
Ба ақидаи мушоҳидон, ҳам мақомоти Тоҷикистон ва ҳам мақомоти Туркманистон нархи интернетро қасдан баланд мебардоранд ва суръати алоқаро паст мекунанд, то дастрасии иттилоот ба мардум маҳдуд гардад. Азбаски интернет ягона манбаи пайдо кардани маълумоти саҳеҳ дар ин кишварҳост ва чуноне ки таҷриба нишон медиҳад, имрӯз шабакаи алоқаи ҷаҳонӣ сабаби василае шудааст, ки ба фаъолшавии инқилобҳои оммавӣ алайҳи режимҳои ҳукмравоӣ ва ҳокимҳои-диктатор табдил ёфтааст.
