Муҳоҷирони меҳнатӣ аз Осиёи Марказӣ дар Маскав дастгир шуданд

Муҳоҷирони меҳнатӣ аз Осиёи Марказӣ дар Маскав дастгир шуданд

Муҳоҷирони меҳнатӣ аз Осиёи Марказӣ дар Русия бинобар парвандаи иштирок намудан дар ҳаракати исломии Ҳизби Таҳрир дастгир шуданд. Санаи 3-уми декабр дар Хадамоти Федеролии Амнияти Русия (ХФА) иттило додаанд, ки дар шаҳри Маскав ва Челябинск аъзоёни ҳаракати исломии Ҳизби Таҳрир дастгир шуданд, ки дар миёни дастгир шудагон дар шаҳри Маскав шаҳрвандони кишварҳои Осиёи Марказӣ низ ҳастанд. Санаи 5-уми декабр додгоҳи Мешанскии шаҳри Маскав боздошти 6 нафар пештар дастгир шудагонро тасдиқ намуд.

«Дар миёни айбдоршавандагон — Кимсанов Фарҳодҷон, Мамадалиев Маруфҷон, Султонов Иқболҷон, Тухтасинов Икромиддин, Холдоров Ғуломҷон, Холматов Азизбек, Маликов Маруфҷон ҳастанд. Онҳо тибқи моддаи 205.5 қисми 2 КҶ ФР («Иштирок кардан дар фаъолияти террористӣ») айбдор дониста мешаванд. Дар миёни онҳо ҳам шаҳрвандони Русия ва ҳам шаҳрвандони Ӯзбекистон низ ҳастанд. Ҳамаи онҳо то санаи 2-уми феврали соли 2020 дар ҳабс нигоҳ дошта мешаванд», — иттило доданд дар хадамоти матбуотии ХФА.

Тибқи моддаи мазкур дастгиршудагонро аз 10 то 20 соли маҳкум шудан ба зиндон интизор аст.

Ёдрас мекунем, ки ташкилотҳои ҳимоятгари ҳуқуқи русӣ ва байналхалқӣ мунтазам маҳбусоне, ки барои иштирок кардан дар ҳаракати исломии Ҳизби Таҳрир адои ҷазо менамоянд, ҳамчун маҳбусони сиёсӣ эътироф мекунанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.