Ворух: тирпарронии навбатӣ
Маркази матбуоти Хадамоти марзбонии Кумитаи давлатии амнияти миллии Тоҷикистон хабар дод, ки дар марзи Қирғизистону Тоҷикистон дубора тирпарронӣ сурат гирифт, ки дар натиҷаи задухӯрд сарҳадбонони ҳарду ҷониб ҷароҳат бардоштаанд. «Тирпарронӣ ба охир расид, аз ҳарду ҷониб захмиён мавҷуданд. Тибқи маълумоти пешакӣ, ду нафар низомиёни қирғиз захмӣ мебошанд, вазъи яке аз захмиён вазнин ва ҷароҳати дуюми низомӣ миёна аст”, — иброз намудаанд марзбонони қирғиз.
Рӯзи 3 июн, тахминан соати 12:00 ба вақти маҳаллӣ дар ҷамоати Ворухи шаҳри Исфара, ки бо Қирғизистон ҳаммарз аст, дар мавзеи Кех, дар 10-километрии маркази ин ҷамоат миёни посбонони марзи Тоҷикистону Қирғизистон тирпарронӣ рух додааст.
Ёдрас мекунем, ки қаблан низоъ дар марзи Тоҷикистону Қирғизистон рӯзи 12 апрели соли ҷорӣ дар ҷамоати Хистеварзи вилояти Суғд рух дода буд. Дар тирпарронии он замон марзбони 27-солаи тоҷик Зоир Саидумаров кушта шуд.
Нозирон қайд мекунанд, ки режими тоҷик барои пайваста сар задани низоъҳои марзӣ тамоми шароитро фароҳам меорад, зеро маҳз Раҳмон аст, ки баҳрабардори асосии шуълаҳои ватандӯстӣ, ки пас аз ҳар як задухӯрд ба амал меояд манфиатовар мебошад. Ба аҳолӣ гуфта мешавад, ки хамсояҳо ба онҳо ҳамла намудаанд, аҳолӣ бошад муаммоҳои асосиро фаромӯш карда, дар оташи ватанпарварӣ ғарқ шуда, тамоми хашму газаби худро ба муқобили ҳамдини худ равона мекунанд.
