Мирзиёев, Хоразмӣ ва Ҷалолиддини Мангубердиро ситоиш мекунад
«Рӯзи 29 август президент Шавкат Мирзиёев дар шаҳри Урганч барои сохтмони шаҳраки Хоразмий капсулаи сохтмониро гузошт. Рамзӣ аст, ки татбиқи лоиҳаи ислоҳшуда дар ҳамин рӯзҳо – дар арафаи рӯзи истиқлолият оғоз мегардад», — хабар медиҳад хадамоти матбуоти президент.
Шаҳраки мазкур дар паҳлӯи фурудгоҳи байналмилалии шаҳри Урганч дар майдони беш аз 130 гектар бунёд мешавад. Дар марказ ҳайкали олими бузурги асри IX гузошта мешавад.
Дар шаҳрак ба номи Хоразмӣ донишгоҳи нав кушода шуда, дар назди он мактаби махсуси кӯдакони лаёқатманд фаъолият хоҳад кард.
«Тамоми дастовардҳои илм ва электроникаи муосир аз мероси беҳамтои илмии аҷдоди мо Хоразмӣ сарчашма мегиранд. Мо бояд на танҳо фахр кунем, балки сазовори он бошем. Аз ин рӯ, тасмим гирифтем, ки дар шаҳри Урганч ба номи олими бузург шаҳраки алоҳида бунёд кунем», — гуфт Шавкат Мирзиёев қабл аз гузоштани капсулаи сохтмонӣ.
Дар ҳамон рӯз президент дар маросими ифтитоҳи маҷмааи ёдгорӣ дар Урганч бахшида ба фармондеҳ ва арбоби давлатӣ Ҷалолиддини Мангубердӣ ширкат кард. Дар ин ҷо хайкали савораи аспӣ 25 метр баландй дорад. Дар пеши назараш нусхаи эпитафияи сангини Мангуберди истодааст, ки вазнаш 32 кило ва баландияш 30 сантиметр аст. Дар руи санг оятҳои Куръон ва насаби чанговар нақш бастаанд.
Қобили таваҷҷуҳ аст, ки ҳардуи ин шахсиятҳо дар таърихи ҷаҳон осори худро гузоштаанд: Хоразмӣ – ҳамчун олими бузурги мусалмонон, риёзидон, астроном, ҷуғрофиё ва муаррих; Ҷалолиддини Мангубердӣ — ҳамчун ҷанговари бузург то нафаси охиринаш дар дифоъ аз Ислом ва мусулмонон аз ҳамлаи муғулҳо истода буд.
Ёдрас мекунем, ки режими Мирзиёев бештари сиёсати пешгузаштаи худ Ислом Каримовро барои маҳдуд кардани Ислом дар кишвар идома медиҳад: ҳуқуқи рӯймол бастани духтарон дар муассисаҳои таълимӣ то ҳол маҳдуд аст, ришҳои мардон иҷборӣ тарошида мешавад, таълим додани дин ба кӯдакон, инчунин ба масҷид рафтани онҳо манъ аст, фаъолони динӣ тибқи қонун таъқиб карда мешаванд.
