Захираҳои тиллоӣ Тоҷикистон ба куҷо мераванд
Дар Тоҷикистон бадастдарории фулузҳои қимматбаҳо, нуқра ва тилло бо суръати тез афзоиш меёбад. Тибқи иттилоӣ Вазорати саноат ва технологияи нави ҶТ истеҳсоли тилло дар ҳашт моҳи соли ҷорӣ назар ба давраи мазкури соли гузашта ба миқдори 21% ва истеҳсоли нуқра ба миқдори 92% афзоиш ёфтааст.
Интизорӣ меравад, ки аз ҳисоби ба кор даровардани қувваҳои нав дар соли 2022 ҳаҷми истеҳсоли солонаи тилло назар ба нишондоди соли 2012 ҳафт баробар зиёд мегардад: дар ҷамбасти соли 2012 ҷамъоварии тилло дар кишвар зиёда аз 2,4 тоннаро ташкил карда буд.
Дар Вазорат қайд намуданд, ки дар қаъри замини ҷумҳури захираҳои ҳаҷми калони тилло ҷойгир шудааст. «Активҳои тиллоӣ Тоҷикистон 137 кони тиллои саноатӣ ба ҳисоб гирифта шуда ва 127 кони тиллои ғайрисаноатӣ ба қайд гирифта шудааст», гуфта мешавад дар санад.
Бояд қайд намуд, ки литсензияи коркарди фулузҳои қимматбаҳо дар Тоҷикистон асосан бар дӯши ширкатҳои Чинӣ мебошад. Бо вуҷуди ин, Тоҷикистон аз кишварҳои қашшоқтарин дар минтақа ба ҳисоб рафта, то ҳол дар аксарият маҳалҳои зист қувваи барқ вуҷуд надорад, ба 43%-и аҳолӣ оби нӯшокӣ дастрас нест, ҳаммагӣ 22%-и аҳолии Тоҷикистон дар сатҳи миёнаи зист қарор дорад. Фоидаи аз маъданҳои канданӣ ба куҷо меравад, ба касе маълум нест.
Ёдрас мекунем, ки тибқи Ислом ҳамаи захираҳои маъдани канданӣ ба Уммати Исломӣ тааллуқ дорад ва фоидае, ки аз ин маъданҳои канданӣ ба даст меояд, дар миёни шаҳрвандони давлат тақсим карда мешавад.
