Заринаи Раҳмон ба мансаби баланд таъин гардид

Заринаи Раҳмон яке аз духтарони президенти Тоҷикистон Эмомалӣ Раҳмон ҷонишини раиси «Ориёнбонк» таъин гардид. Раиси кунунии бонк тағоияш Ҳасани Асадуллозода мебошад. Дар санади бонк ки як нусхааш санаи 18 июл ба ихтиёри радиои Озодӣ омадааст гуфта мешавад, ки Заринаи Раҳмон ба мансаби зерин дар аввали соли 2017 таъин гардидааст.

Соли 2010 Заринаи Раҳмон дар хориҷа таҳсилот гирифта, дар давоми ду моҳ  ба забони англиси ахборот хонда диктори кард. Дар он замон ӯ 16 сола будааст.

Бояд қайд намуд, ки пешравии мартабавй фарзандони президент Эмомалӣ Раҳмон одатан бо суръати тез  сурат мегирад. Ҳамин тавр, писари Раҳмон пас аз якчанд лавозимот, ба ҳокими шаҳри Душанбе таъин гардид ва ба ақидаи коршиносон ӯро дар оянда ба ҷойи падараш тайёр карда истодаанд. Духтараш Озодаи Раҳмон бошад сенатор буда, дастгоҳи президентро идора мекунад. Рутбаи дипломати  сафири фавқулодда ва мухториро дорад ва дар сафоратхонаи Тоҷикистон дар ИМА кору фаолият кардааст. Соли 2009 ба мансаби якуми ҷонишини Вазири умури хориҷии кишвар таъин гардида буд.

Духтари дигараш Рухшона Раҳмонова бошад аз моҳи ноябри соли 2016 ҷонишини раиси шӯъбаи муносибатҳои байналхалқии Вазорати умури хориҷии Тоҷикистон мебошад. Пештар дар сафоратхонаи Тоҷикистон дар Бритониёи Кабир кор кардааст.

Духтари калони Раҳмон, Тахмина Раҳмонова на он қадар дар ВАО худро намоён мекунад ва дар кишвар бизнесзани рақами 1 ба ҳисоб меравад. Ғайр аз ин, ҳамаи домодҳои Эмомалӣ Раҳмон  лавозимотҳои соҳаи иқтисод ва молияи ҳукуматро идора мекунанд.

Ҳамин тавр, ҳокими мустабид Эмомалӣ Раҳмон кишварро ба ширкати шахсии худ табдил дода, бо наздиконаш ба таври дилхоҳ махсусан барои манфиати худ идора менамоянд. Онҳо аз ҳисоби даромадҳои халқ сарватманд гашта, аҳолиро ба ботлоқи қашшоқӣ ва ғуломдорӣ тела медиҳанд. Касоне, ки ба чунин ҳолат норозигӣ изҳор намоянд, ба муддати тӯлонӣ равонаи зиндон мекунанд, ё ин ки аз кишвар бадарға менамоянд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.