Туркманистон: 1 миллион фунт стерлинг барои роҳи пойга

Туркманистон: 1 миллион фунт стерлинг барои роҳи пойга

Туркманистон барои хариди андудаи пойгаи аспдавонӣ аз ширкати англисии Andrews Bowen Ltd бо маблағи 1 миллион фунт стерлинг супориш медиҳад, иттило дод ҳафтаномаи Blackpool Gazette.

Ширкати мазкур то саршавии мавсими аспдавонӣ бояд бо ҳаҷми 10 тонна масолеҳ ба Туркманистон ирсол намояд. Тибқи гуфтаҳои соҳиби ширкат, додугирифт дарҳол ба вуқуъ пайваст ва супориш бояд дар муддати кӯтоҳ ирсол гардад. Андудаи мазкур аз омехтаи қум, мум ва лифҳои синтетикӣ иборат аст. Чи тавре ки яке аз намояндагони ширкат қайд кард, сарфи назар аз он ки дар Туркманистон биёбон вуҷуд дорад, қумҳои Қаракум аз сабаби донаҳои даврашакл доштан барои пӯшидани пойгаи аспдавонӣ мувофиқ нест. Ғайр аз ин, ширкати Andrews Bowen Туркманистонро бо таҷҳизоти нигоҳубини андудаи пойгаи аспдавонӣ таъмин мекунад.

Бояд қайд кард, ки ҳарсол дар Туркманистон моҳи апрел Рӯзи аспи Ахалтекин ҷашн гирифта мешавад. Дар ин моҳ, дар тамоми қаламрави кишвар ҷашнвораҳо ва пойгаҳои аспдавонӣ баргузор мегардад. Баъзан дар мусобиқа раисҷумҳур Қурбонгули Бердимуҳамедов низ иштирок меварзад.

Ёдрас мекунем, ки тӯли чанд соли охир кишвар бо сабаби сатҳи пасти зиндагӣ ва камбизоатӣ дар рейтингҳои мухталиф қарор дошт ва соли гузашта сокинони маҳаллӣ аз нарасидани маҳсулоти асосии ғизоӣ борҳо шикоят карда буданд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.