Туркманистон: писари президент шахси дуввум дар кишвар гардид

Туркманистон: писари президент шахси дуввум дар кишвар гардид

Президенти Туркманистон Қурбонгулӣ Бердимуҳамедов писараш Сердарро муовини сарвазир ва раиси Палатаи олии назорати Туркманистон таъин кард.  Барои Сердар Бердимуҳамедови 39-сола вазифаи иловагӣ, муовини сарвазир таъсис дода шуд, ки ӯ ҳамзамон раиси Палатаи олии назорати Туркманистон хоҳад буд.

Ҳамчунин, бино ба гузориши телевизиони давлатии Туркманистон, муовини сарвазир Бердимуҳамедов узви Шӯрои амнияти давлатии Туркманистон хоҳад буд, менависад радиои «Азатлык».

Барои кори минбаъдаи Сердар дар вазифаи нав, тамоми шароити зарурии рифоҳ пешакӣ омода карда шуда буд — аз ҷумла як майдонча барои истироҳат дар ҷои корӣ ва барои таъмини амнияти Сердар ба сокинони хонаҳои наздик таваққуфи нақлиётҳои шахсиро манъ карданд.

Қаблан назораткунандагон борҳо гузориш дода буданд, ки Бердимуҳамедов писари худро зина ба зина ба мансабҳои гуногуни баланд таъйин карда ба мансаби президентӣ омода мекунад.  Зоҳиран, ҳоло замоне фаро расидааст, ки писари Бердимуҳамедов пас аз падари худ дар кишвар шахси дуввум гардид, чи тавре ки дар Тоҷикистон аллакай рух дод,  Рустами Эмомалӣ шахси дуввуми кишвар мебошад.

Бояд қайд кард, ки ҳадафи асосии режимҳо дар Осиёи Марказӣ нигоҳ доштани қудрат аст, зеро ин режимҳо хуб медонанд, ки дар сурати табодулоти давлатӣ, амнияти онҳо ва сарвати бо роҳи ғайриқонунӣ ҷамъ кардаашон зери таҳдид қарор хоҳад ёфт, аз ин рӯ, онҳо кӯшиш ба харҷ медиҳанд, ки пас аз тарки мансаби президентӣ қудратро дар дасти худ нигоҳ доранд,  тавре ки собиқ президенти Қазоқистон кардааст, ё ин ки қудратро ба тариқи мерос интиқол медиҳанд, тавре ки дар Тоҷикистон ва Туркманистон рух медиҳад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.