Ӯзбекистон назорат аз болои таҳсилоти исломиро тақвият медиҳад
Ӯзбекистон назорати таҳсилоти диниро дар хориҷа тақвият медиҳад. Аз моҳи июни соли равон қабул ба тамоми муассисаҳои таълимии Донишгоҳи Ал-Азҳари Қоҳира танҳо бо тавсияи Кумитаи оид ба корҳои дини назди Девони Вазирони Ӯзбекистон сурат мегирад. Сухангӯи сафорати Ӯзбекистон дар Миср рӯзи 9 июн ин хабарро тасдиқ кард. Ҳамчунин, як таҳлилгари наздик ба ҳукумати Ӯзбекистон гуфтааст, ки ноболиғон дар Ӯзбекистон таҳсилоти динӣ надоранд ва онҳое, ки ният доранд дар хориҷа таҳсил кунанд, бояд аз Кумитаи дин иҷозати махсус гиранд.
Шаҳрванди 31-солаи Ӯзбекистон, ки бо таъминоти фиристодани донишҷӯён ба муассисаҳои динии Миср сарукор дорад, ба хабаргузории «Озодлик» гуфтааст, ки тайи як моҳи охир сафорати Ӯзбекистон дар Миср додани шаҳодатномаҳоро ба шаҳрвандони Ӯзбекистон, ки дар маҷмааи таълимии динии Ал-Азҳар иштирок мекунанд, қатъ кардааст. Ин дар навбати худ имкони қабули донишҷӯёни ӯзбекро ба литсейҳо ва зеркурсҳои марбут ба маҷмааи таълимии «Ал-Азҳар» истисно мекунад.
Таҳлилгаре, ки барои Хадамоти Амнияти Давлатии Ӯзбекистон гузориш медиҳад, тасдиқ кард, ки дар тӯли панҷ моҳи охир, аз моҳи январ то моҳи май 1800 шаҳрвандони ӯзбек, ки барои таҳсил ба муассисаҳои динии Миср фиристода шуда буданд, дар марз боздошт шуданд.
Ба гуфтаи он ҷавоне, ки бо фиристодани донишҷӯён ба муассисаҳои Миср машғул аст, як моҳ қабл Вазорати корҳои дохилии Ӯзбекистон садҳо нафарро ба рӯйхати афроди таҳти ҷустуҷӯ дохил карда буд. Дар байни афроди мавриди ҷустуҷӯ қарор дошта афроде ҳастанд, ки дар муассисаҳои динии Миср ва Истамбул дарс медиҳанд.
Ёдрас мекунем, ки чанде қабл дар шабакаҳои иҷтимоӣ иттилооте пайдо шуд, ки дар шаҳри Ангрени вилояти Тошканд даҳҳо мардоне, ки ба дини худ риоя мекарданд, ба мақомоти корҳои дохилӣ даъват карда шуданд ва аз онҳо тарошидани риш талаб карда шудааст ва ин аввалин ҳолат нест ки дар кишвар рӯй медиҳад.
