Ҳукумати Ӯзбекистон аз болои бахшишҳо назоратро пурзӯр менамояд
Чи тавре ки сомонаи centralasian.org иттилоъ медиҳад дар вилояти Қашқадарёи ҷумҳурии Ӯзбекистон имом-хатиби масҷидро маҷбур намуданд, то аз намозгузорон ба миқдори 1 млн сӯм ҷамъ кунанд, вагарна бо басташавии масҷид таҳдид намуданд.
Дар даромадгоҳи масҷиди «Яргунчи»-и вилояти Қашқадарёи Ӯзбекистон эълон овехта шудааст, ки дар он навишта мешавад: «Агар ба ҳисоби масҷид аз бахшишҳо 1 млн сӯм (тақрибан 128 доллар) ҷамъ нашавад, масҷид баста хоҳад шуд».
Имоми масҷиди «Яргунчи» Бурҳон Пардаев дуруст будани маълумоти зеринро тасдиқ кард ва илова намуд, ки бояд ба ҳисоби масҷид аз ҳисоби бахшишҳо маблағи кифояткунанда ҷамъ шавад, то ин ки масҷид дуруст фаъолият бубарад. Тибқи гуфтаҳои номбурда, шӯъбаи ноҳиявии Қашқадарё барои камшудани бахшишҳо ба ҳисоби масҷид чунин чораҳоро қабул намудааст.
«Барои ҳамин мо маъош намегирифтем. Зеро, маъоши ҳисоб карда шуда набояд аз миқдори 2,5 баробар аз ҳисоби ақаллӣ кам шавад. Вале, аз рӯи кам ҷамъшудани бахшишҳо мо бидуни маъош хоҳем монд», мегӯяд имоми масҷид.
Бо вуҷуди ин, аз имомони масоҷид маълумотҳои пинҳонӣ омада истодааст, ки ҳукумати кунунӣ аз болои бахшишҳои мардум ба масҷидҳо назоратро пурзӯр карда истодааст.
«Кормандони андоз ба масҷид омада қуттиҳои бахшишро муҳр мезананд. Қуттиҳои бахшиш ҳар ҳафта рӯзи ҷумъа кушода мешавад. Дар вақти кушодашавии қуттиҳо намояндагон аз кумитаи андоз, ВКД, кумитаи иҷроияи иҷборӣ ва хадамоти амнияти давлат иштирок меварзанд», хабар дод имоми яке аз масҷидҳои шаҳри Андиҷон.
