Ӯзбекистон: оғоз намудани парвандаҳои ҷиноии такрорӣ идома дорад
Дар колонияҳои Ӯзбекистон нисбати маҳбусони диниву сиёсӣ оғоз намудани парвандаҳои ҷиноии такрорӣ бо айбҳои бофташуда идома дорад. Дар хусуси якчанд ҳолатҳои мазкур хадамоти Би-би-си ӯзбекӣ ба санаде, ки дар ихтиёрашон ҳаст такя намуда иттилоъ медиҳад.
Ҳамин тавр, сармуфаттиши шӯъбаи тафтишотии Хадамоти амнияти давлатии вилояти Қашқадарё, майори милиса Ҷалолов нисбати ду маҳкумшуда парвандаи бофташуда оғоз намуда, дар ташкил намудани ташкилоти экстремистӣ-динӣ, сӯиқасд ба давлат ва таҷовуз ба сохти конститутсионии кишвар айбдор намуд. Ҷолиби таваҷҷӯҳ он аст, ки ҳамаи ин корҳо нисбати маҳкумшудае, ки қариб 20 сол дар зиндон адои ҷазо менамояд карда мешавад. Тӯхтаев Абдусамад 48 сол, 19 сол мебошад, ки дар пушти панҷара аст ва Исабоев Иброҳим 48 сол, 18 сол мебошад, ки дар пушти панҷара қарор дорад. Тӯхтаев Абдусамад айбҳои бардурӯғе, ки ба ӯ тақдим намуданд қатъиян рад мекунад. Мактубе, ки дар ихтиёри Би-би-си дастрас гардидааст номбурда оиди ҳодиса чунин нақл мекунад. Тӯхтаевро маҷбуран ба қисми санитарии колонияи ислоҳӣ гузаронданд, ҳол он ки ӯ саломатияш хуб буд. Дар қисми санитарӣ маҳкумшудаи дигар бо маводи мухаддир Шокиров Даврон аз ӯ оиди бо чи маҳкум шудааст мепурсад ва суолҳои зиёде медиҳад. Тӯхтаев ба суолҳои Шокиров оиди бо чи маҳкум шудааст мефаҳмонад, сипас маълум гардид, ки ин аз тарафи ХАД ташкил шудааст ва ҳамаи гуфтугӯ бо воситаи техникаи махсус сабт шудааст. Айнан ҳамин сабти гуфтугӯ асоси оғоз шудани парванда нисбати Тӯхтаев гардидааст. Дар айбнома гуфта шудааст, ки А.Тӯхтаев якҷоя бо И. Иброҳимов фикрҳои Ҳизби Таҳрирро дар ҷойҳои ислоҳӣ паҳн мекарданд. Айнан бо чунин айбнома ду нафари дигар дар Навоӣ Бахтиёр Туропови 62 сола ва Ноқид Сотболдиев ба мӯҳлатҳои иловагӣ 6 ва 7 сол маҳкум шудаанд. Чи тавре ки ҳимоятгарон мегӯянд, дар вақти сӯҳбат як маҳкумшуда ба назди онҳо омада сӯҳбати онҳоро ба диктофон сабт мекунад. Муовини имоми масҷиди «Қосим шайх»- и ноҳияи Караман бошад, ҳамчун мутахассис гуфтугӯи байни онҳоро паҳн кардани фикрҳои Ҳизби Таҳрир донист. Корҳои тафтишотиро шӯъбаи ХАД вилояти Навоӣ мебурд. Наздикон ва хешовандони маҳкумшудагон дар ҳайратанд, ки чи тавр ду маҳкумшуда бо мӯҳлатҳои 18-19 соли адои ҷазо ва дар назорати сахти кормандони ҳифзи ҳуқуқ метавонанд табаддулоти давлатӣ кунанд ва ё ба сохти конститутсионӣ таҷовуз намоянд.
Ҳимоятгарони ҳуқуқ бар он ақидаанд, ки ҳарчанд режими нав оиди дигаргуниҳо дар соҳаи ҳуқуқи инсон бонг занад ҳам, шахсҳоро ки барои дин маҳкум шудаанд аз ҷойҳои маҳрумият озод намояд ҳам, барои мусулмонони амалкунанда ҳолат тағйир наёфтааст. Айнан ҳамин услубҳо дар замони ҳукмронии Каримов низ вуҷуд дошт, яъне барои иғво андохтан ва ба маҳкумшудагони динӣ фишор овардан — маҳкумшудагоне, ки бо моддаҳои ҷиноии адои ҷавзо менамонд истифода бурда мешуд.
