Дар қаламрави Ӯзбекистон рейдҳои ВКД ва ХАД амалӣ мегардад
Дар шаҳри Бухоро гурӯҳи муштараки ВКД ва ХАД дар манзилҳои истиқоматии шаҳрвандони аз хориҷа баргашта, инчунин манзилгоҳи истиқоматии наздикони касоне, ки дар хориҷа ҳастанд рейдҳо гузаронданд. Дар ин бора ба радиои Озодӣ фаъоли маҳаллӣ иттилоъ дод. Дар мусоҳиба бо радиои Озодӣ корманди ШВКД изҳор дошт, ки рейдҳои мазкур бо сабаби идҳо гузаронида мешавад. Майори милиса Туев Ҳамза оиди ин мавзӯъ чунин гуфт: «рейдҳои мазкур хусусияти профилактикӣ дорад ва барои таъмини амният нигаронида шудааст». Инчунин, тибқи гуфтаҳои номбурда дар вақти гузаронидани рейд ҳуқуқи шаҳрвандон риоя карда мешавад.
Вале, тибқи гуфтаҳои дарбони маҳаллаи ба номи Олим Хӯҷаев Зуҳриддин Рашидови 27 сола, намояндагони хадамоти қудратӣ вақте, ки санадҳои манзилгоҳро талаб намуданд дурушт муомила буданд. Санадҳои шахсиро бошад бидуни хоҳиши сокинон бо суратгирак ба навор мегирифтанд. Инчунин, хабарнигорон иттилоъ медиҳанд, ки рейдҳои мазкур дар дигар навоҳиҳои кишвар тайи 15 шабонарӯз баргузор гардид. Ҷолиби таваҷҷӯҳ аст, ки дар ҳама ҷо ҳаракати кормандони ҳифзи ҳуқуқ якранга мебошад: тафтиши маълумотҳои шиноснома, ташкил намудани рӯйхати шахсоне, ки манзилгоҳҳояшонро ба иҷора медиҳанд, шахсоне, ки дар муҳоҷирати меҳнатӣ буданд ва баргаштанд, инчунин шахрвандоне, ки барои нуқтаи назари диниашон дар рӯйхати сиёҳ қарор доранд барои гузаронидани пурсиш ба ШВКД даъват намуда мешаванд.
