Қазоқистон: ба мактаб бидуни ҳиҷоб

Дар деҳаи Фирдавсии вилояти Туркистони ҷумҳурӣ Қазоқистон даҳҳо нафар духтарони рӯймолдори хонандагони мактабро чанд рӯз аст, ки ба мактаб роҳ намедиҳанд. Онҳо талаботи маъмурияти мактабро оиди бадар намудани рӯймол рад мекунанд.

Бомдоди рӯзи чоршанбе хонандагони рӯймолдоре, ки пайдарпаӣ тӯли се рӯз ба мактаб роҳ дода нашудаанд, бо ҳамроҳи волидайн дар назди бинои таълимгоҳ ҷамъ шуда, аз кори анҷомдодаи маъмурияти мактаб норозигии худро изҳор намуданд.

Волидайн муқобили он нестанд, ки духтарони синфҳои ибтидоӣ бидуни рӯймол ба мактаб раванд, вале онҳо рози нестанд, ки духтарони синфҳои болоӣ бидуни ҳиҷоб ба мактаб бираванд.

Маъмурияти таълимгоҳ ва омӯзгорон ба назди волидайн набаромаданд.

Маъмурияти таълимгоҳ иҷозат надодани худро бо фармони вазорати маориф таҳти рақами 26 аз соли 2016 маънидод мекунад, ки дар он оиди талаботи либоси мактабӣ навишта шудааст ва бо либоси динӣ иштирок намудан дар дарсҳо таҳқиқ намуда шудааст.

Санаи 5-уми сентябр 3 омӯзгор бинобар роҳ надодан ба таълимгоҳ бо рӯймол аз кор озод намудан ариза навиштаанд. Дар ин хусус ба радиои Озодӣ худи омӯзгорон хабар доданд ва хостанд, ки номҳояшон ифшо нагардад. Омӯзгорон мегӯянд, ки пештар онҳо бо рӯймол бидуни мамониат ба таълимгоҳ мерафтанд.

Ба гуфтаи директори таълимгоҳ, ҳамагӣ дар мактаб 372 духтар буда, 203 нафари онҳо дар синфҳои болоӣ ва 169 нафар дар синфҳои ибтидоӣ таълим мегиранд. Айни замон қариб ҳамаи духтарони дар синфҳои ибтидоӣ таълим гиранда, аз он ҷумла 80 нафар духтарони дар синфҳои болоӣ таълим мегиранд рӯймолҳояшонро бадар намуданд.

Бояд қайд намуд, ки мусулмононе, ки фарзандонашон дар таълимгоҳҳо  таҳсилот  мегиранд доимо бо муаммои мазкур рӯбарӯ мешаванд. Соли гузашта танҳо дар Қазоқистон барои бо рӯймол таҳсил гирифтани фарзандонашон даҳҳо мусулмонон ба ҷавобгарии маъмурӣ кашида шуда, ҷаримп баста шуданд. Инчунин дар минтақаҳои гуногуни Осиёи Миёна на танҳо дар муассисаҳои таълимӣ, балки дар бозорҳо, дар хадамотҳои тиббӣ, дар хадамотҳои давлатӣ ва ғайра низ пӯшидани ҳиҷоб манъ карда шудааст.