Нурсултон Назарбоев: амалиёти Ворис
Раисҷумҳури Қазоқистон Назарбоев оиди ба истеъфо рафтани худ баёнот дод. Бо баёноти муносиб Назарбоев рӯзи сешанбе бо тариқи телевизиони давлатӣ Қазоқистон баромад намуд.
«Чи тавре ки ба ҳамагон маълум аст, дар замонхои басо муҳими таърихи ман ба мардуми худ муроҷиат мекунам. Имрӯз низ ман ба шумо муроҷиат менамоям. Вале, аҳамиятнок будани паёми имрӯза комилан дигар аст ва басо муҳим мебошад. Ман қароре қабул намудам, ки салоҳияти худро таслим намоям», — изҳор намуд Нурсултон Назарбоев. Бо вуҷуди ин, Назарбоев қайд намуд, ки қарори қабул кардааш осон нест.
Дар навбати худ, Назарбоев қайд намуд, ки дар сохтори ҳукумат ҳамчун раиси шӯрои амнияти кишвар боқӣ мемонад. «Дар мансаби раиси Шӯрои Амният боқӣ мемонам, ки дар сатҳи қонунӣ бо салоҳиятҳои ҷиддӣ муайян намудани сиёсати дохилӣ ва хориҷӣ салоҳиятнок карда мешавад. Ҳамчун раиси Ҳизби «Нур Отан», аъзои шӯрои Конститутсионӣ боқӣ мемонам», — иброз намуд Назарбоев.
Ба ақидаи мутахассисон, истеъфои Назарбоев пешаки тайёр карда шудааст, яъне аз соли 2017 шурӯъ карда бо роҳи марҳилавӣ ва даровардани тағйирот дар қонуни оиди шӯрои амният бо васеъ намудани салоҳиятҳои раиси шӯрои амният ба вуқуъ пайвастааст. Тағйиротҳои охирин пас аз имзо намудани иловаҳои дароварда шуда аз ҷониби Назарбоев дар соли 2018 эътибори қонунӣ пайдо намуд.
Тибқи тағйироти қабул шуда оиди қонуни дар бораи шӯрои амният, ҳолати сохтори ҳокимияти мазкур аз хадамоти маслиҳатии- машваратӣ ба конститутсионӣ тағйир ёфтааст ва Назарбоев худро хамчун раиси якумра ба қайд даровард.
Бояд ба баъзе нуқтаҳои муҳими қонуни дар боло зикршуда эътибор дод. Масалан, дар 3-ум нуқтаи моддаи 1 гуфта шудааст: Ҳайати Шӯрои Амният аз ҷониби раисҷумҳур бо мутобиқати Раиси Шӯрои Амният ташкил карда мешавад. Дар 6-ум нуқтаи моддаи 6 гуфта шудааст: Қарори Шӯрои Амният ва Раиси Шӯрои Амният ҳатмист ва аз ҷониби хадамотҳои давлатӣ, ташкилотҳо ва шахсони мансабдори ҷумҳурии Қазоқистон бояд бечунучаро иҷро карда шавад.
Мушоҳидон қайд мекунанд, ки ҳамин тавр Нурсултон Назарбоев соҳиби ҳуқуқи идораи кишварро аз тарафи худ дар оянда боқӣ гузошт. Дар мӯҳлати боқимондаи мансаби раисҷумҳур мувофиқи сарқонун раиси сенати парлумони ҶҚ Касим-Жомарт Токаев ба ӯҳда гирифт.
Санаи 20-уми март иҷрокунандаи вазифаи раисҷумҳур ба мансаби раиси сенати парлумон духтари калони собиқ раисҷумҳур Дарига Назарбоеваро пешниҳод намуда, бо як овоз 44 нафар раиси сенат интихоб намуданд. Ба ақидаи мутахассисон, Дарига вориси Назарбоев дар мансаби раисҷумҳури Қазоқистон мебошад.
